MAHTE 12:34 - Jinghpaw Common Language Bible 2009

³⁴ Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

Jinghpaw Hanson Version Bible

³⁴ Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? kaning rai nme law, kraw hta hpring chyat nga ai kaw na, n-gup de tsun nga ai.

MAHTE 12:34 ပူးပေါင်းရင်းမြစ်များ

SHAKAWN KUNGDAWN 53:1

“Karai Kasang n nga ai!,” nga nna angawk ai ni gaw shanhte a myit hta tsun nga ma ai. Shanhte yawng hte gaw tsam mat nga ma ai, hkrithpa amu ni hpe, shanhte galaw kau ma ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

SHAKAWN KUNGDAWN 64:5

Shanhte gaw n hkru ai amu hpe galaw maw mawn ai lam hta shanhte shada da n-gun jaw hkat nga ma ai; shanhte a mahkam ni hpe gara shara ni hta hkam da yang mai na lam, shanhte tsun jahta nga ma ai. Shing rai, shanhte gaw, “Dai mahkam ni hpe kadai mung mu lu na n rai,” nga nna tsun ma ai.

GA SHAGAWP 16:23

Zai byeng-ya rawng ai masha ni gaw shanhte garai n tsun shaga yang, shawng myit yu nga ma ai; shanhte tsun shaga ai ga gaw masha hpe grau nna myit gang kayin la lu nga ma ai.

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 59:14

Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

ESAIA 9:17

Dai rai nna Amyu masha ni yawng gaw karai kata ai hte n hkru nna shanhte tsun ai lam magup n hkru nga ai majaw Madu gaw shabrang langai mi hpe pyi shalawt dat na wu ai n rai; shi gaw gaida gaina ni hte jahkrai nmai ni kadai hpe mung matsan dum ai myit madun dan na wu ai n rai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da nga na ra ai.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

MAHTE 15:18

Rai ti mung, n-gup hta na pru wa ai arai ni mahtang gaw myit masin hta na byin pru wa ai rai nna, dai hte gaw masha hpe awu asin di kau wu ai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

LUKA 3:7

Dai majaw, Yawhan a lata hta hkalup hkam la na pru sa wa ai shawa masha ni hpe shi tsun mu ai gaw, “Pu htum amyu ni e, Karai Kasang kaw na du magang ra ai yubak a ari hta na hprawng lawt lu myit ga, nanhte hpe kadai shadum myit ta?

LUKA 6:45

Kaja ai masha gaw, kaja ai arai hte hpring rawng nga ai kraw lawang sut dek hta na kaja ai rai shapraw dan ai; n kaja ai wa mung, n kaja ai sut dek hta na n kaja ai shapraw dan ai, hpa majaw nga yang, kraw hta hpring chyat nga ai kaw na shi a n-gup hte tsun pru nga ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 5:4

n san n seng ai ga kinsha, awu asin yuk jahtuk nga ai ga, zai ai ga re ai ni hpe n tsun ai sha, Karai Kasang hpe chyeju shakawn ai ga sha tsun nga mu ga.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.