MAHTE 12:29 - Jinghpaw Common Language Bible 2009

²⁹ “N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? Shi hpe Shawng gyit da yang she shi a nta hpe hpya la lu na rai nga ai.

Jinghpaw Hanson Version Bible

²⁹ N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? gyit da yang she shi a nta hpe hpya lu na rai nga ai.

MAHTE 12:29 ပူးပေါင်းရင်းမြစ်များ

ESAIA 49:24

Nang gaw hpyenla langai a lanep hpe la lu n ni? Nang gaw gumshem wa a lata kaw na bawng masha ni hpe hkye mawai la lu n ni?

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

MAHTE 12:28

Ngai gaw Bezebula a n-gun atsam hte n rai, Karai Kasang a Wenyi atsam hte nat ni hpe shaden kau nngai. Dai hku teng yang gaw, Karai Kasang a Mungdan nanhte kaw du sai rai nga ai.

MAHTE 12:30

“Ngai hpang maga de n nga ai wa gaw, nye a gumlau maga de rai nga ai: ngai hte kahkyin gumdin n re ai wa gaw ayai aya rai nga ai.

MARKU 3:27

“N-gun ja ai wa hpe shawng n gyit hkang da ai sha shi a nta de shang nna shi a arai ni hpe n kashun la lu ai; shi hpe gyit hkang da ngut jang she shi a nta hpe hpya la lu na rai nga ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

1 YAWHAN 4:4

Shu sha ni e, nanhte gaw Karai Kasang hte seng ai ni rai nga myit dai rai nna, dai myihtoi masu ni hpe dang kau manu ai. Hpa majaw nga yang, nanhte hta e rawng nga ai Wenyi gaw mungkan ga hte seng ai ni hta rawng nga ai wenyi hta grau n-gun atsam kaba nga ai.