MAHTE 12:28 - Jinghpaw Common Language Bible 2009

²⁸ Ngai gaw Bezebula a n-gun atsam hte n rai, Karai Kasang a Wenyi atsam hte nat ni hpe shaden kau nngai. Dai hku teng yang gaw, Karai Kasang a Mungdan nanhte kaw du sai rai nga ai.

Jinghpaw Hanson Version Bible

²⁸ Karai Kasang a wenyi hte nat ni hpe ngai shaden kau mawe ai rai yang gaw, Karai Kasang a mungdan nanhte kaw du sai rai nga ai.

MAHTE 12:28 ပူးပေါင်းရင်းမြစ်များ

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

MAHTE 12:18

“Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MAHTE 12:29

“N-gun ja ai wa hpe shawng n gyit kau yang gaw, shi a arai kashun la na, n-gun ja ai wa a nta nhku de kadai shang lu na rai ta? Shi hpe Shawng gyit da yang she shi a nta hpe hpya la lu na rai nga ai.

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

MARKU 1:15

Shi gaw, “Dai aten ladaw dik wa ai hte, Karai Kasang a mungdan gaw ni wa magang ra ai! Nanhte a yubak mara ni kaw na kayin wa nna Karai Kasang a Kabu Gara Shiga hpe kam sham nga mu!,” ngu nna hkaw dan mu ai.

MARKU 11:10

Du magang ra ai anhte a wa Dawi a mungdan gaw a nga u ga law! Madu Karai Kasang a hpung shingkang hpe shakawn kungdawn mu law!,” nga nna jahtau garu ma ai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

LUKA 10:11

‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.

LUKA 11:20

Rai ti mung, ngai gaw Karai Kasang a n-gun atsam hte she nat ni hpe shaden kau nngai majaw, Karai Kasang a Mungdan nanhte kaw du sai sakse rai nga ai.

LUKA 16:16

“Mawshe a jep ai Tara hte myihtoi ni a laika ni gaw Hkalup Sara Yawhan a lakhtak du hkra ngang kang ai hte grin nga ai. Dai kaw nna gaw Karai Kasang a Mungdan a Kabu Gara Shiga ni hpe hkaw tsun nga ai rai nna, masha shagu gaw Karai Kasang a Mungdan hta anin katut shang wa ma ai.

LUKA 9:2

Dai hpang, Karai Kasang a Mungdan lam hkaw tsun dan na hte, machyi makaw shamai ya na matu, shi shanhte hpe shangun dat mu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.