MAHTE 12:22 - Jinghpaw Common Language Bible 2009

²² Dai shaloi jang, myi kyaw ai hte n chye shaga ai nat kap ai wa langai mi hpe shi kaw woi bang mu ai. Yesu gaw dai wa hpe shamai ya wu ai rai nna, n chye shaga ai wa gaw shaga lu ai hte myi mu lu nu ai.

Jinghpaw Hanson Version Bible

²² Dai shaloi jang, myi kyaw ai hte n chye shaga ai nat kap ai wa langai mi hpe, shi kaw woi bang mu ai: shi gaw dai wa hpe shamai ya nu ai rai nna, n chye shaga ai wa gaw shaga lu ai hte myi mu lu nu ai.

MAHTE 12:22 ပူးပေါင်းရင်းမြစ်များ

SHAKAWN KUNGDAWN 51:15

Madu e, ga shaga lu na matu, ngai hpe karum la e; shing rai, ngai nang hpe shakawn na nngai.

ESAIA 29:18

Dai nhtoi du ai shaloi, na lahpang ai ni gaw laika ja ja hti ai nsen na lu na ra ai, nsin kata nga nga ai myi n mu ai ni mung shanhte a myi ni hpaw wa nna mu lu na mara ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 3:11

N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

2 HTESALONI 2:9

Dai N hkru Ai Wa gaw Satan a n-gun atsam hte du sa na ra ai rai nna masu ai lamik kumla amyu myu hte mauhpa amu ni hpe galaw dan na ra ai.