MAHTE 12:2 - Jinghpaw Common Language Bible 2009

² Hparishe ni dai hpe mu jang, shanhte gaw, “Yu mu, Bansa Nhtoi e n mai galaw ai amu, na a sape ni galaw ma ai!,” ngu nna Yesu hpe tsun mu ai.

Jinghpaw Hanson Version Bible

² Hparishe ni dai mu jang, shanhte gaw, “Yu u, laban nhtoi e n mai galaw ai amu, na a sape ni galaw ma ai,” ngu nna shi hpe tsun mu ai.

MAHTE 12:2 ပူးပေါင်းရင်းမြစ်များ

PRU MAT 23:12

“Bat mi hta kru ya tup amu bungli galaw lu ti mung, sanit ya ngu na nhtoi hta chyawm gaw galaw lu na n rai; na a matu amu galaw ya nga ai na a mayam ni hte maigan masha ni sha n-ga, na a yam nga ni pyi ban sa la lu na mara ai.

PRU MAT 35:2

Nanhte gaw nanhte a magam bungli galaw la na nhtoi kru ya tup lu nga myit dai; rai ti mung dai sanit ya nhtoi chyawm gaw Ngai Madu hpe nawku daw jau na matu dagam shaka da ai bansa nhtoi rai nna, nye a matu ap nawng da sai hte chyoi pra nga lu na rai nga ai. Dai nhtoi hta amu bungli galaw ai wa kadai mung si ai hkrum na rai nga ai.

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

MAHTE 12:10

Ya dai tara jawng hta lata katsing si ai masha langai mi nga ai. Dai kaw masha nkau mi mung nga ma ai rai nna, shanhte gaw Yesu hpe mara shagun mayu mu ai majaw, Bansa Nhtoi hta e mai shamai ya a ni? ngu nna shi hpe san mu ai.

MAHTE 12:3

Yesu gaw, “Dawi gaw shi kaw hkan nang ai ni hte rau kawsi hkrum ma yang, hpa galaw ma ai lam kalang mi mung n hti yu myit ni?

MARKU 2:24

Dai rai nna Hparishe ni gaw, “Yu u, Bansa Nhtoi hta e n galaw mai ai amu hpe shanhte hpa rai galaw nga ma ta?,” ngu nna Yesu hpe tsun mu ai.

LUKA 14:3

Yesu gaw, “Jep ai Tara hta Bansa Nhtoi e machyi shamai na ahkang jaw a ni? N jaw a ni?,” ngu nna Tara sara ni hte Hparishe ni hpe san mu ai.

LUKA 23:56

Dai hpang shanhte nta de wa nna manam pyaw ai baw hte mura sau lajang da ma ai. Bansa Nhtoi gaw dai jep ai Tara hte maren hkring sa ma ai.

LUKA 6:2

Hparishe nkau mi gaw, “Anhte a tara hta tsun da ai Bansa Nhtoi e n mai di ai lam, hpa rai nanhte galaw myit ta?,” nga nna san ma ai.