MAHTE 12:19 - Jinghpaw Common Language Bible 2009

¹⁹ Shi gaw tsun dangrang ai lam, shing n rai, jahtau ai lam galaw na ra ai n rai. Shi a nsen hpe lam hkan e kadai mung na lu na mu ai n rai.

Jinghpaw Hanson Version Bible

¹⁹ Shi gaw n gasat, n jahtau na rai nna, Shi a nsen hpe lam hkan e n na lu na mu ai.

MAHTE 12:19 ပူးပေါင်းရင်းမြစ်များ

ESAIA 42:2

Shi jahtau na n rai, shi a nsen sharawt na n rai, nmaw lam ni hkan nsen ja ai hte tsun na n rai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 12:20

Shi gaw kadang taw nga sai mai-aw hpe shadaw na ra ai n rai; Kachyi mi sha tu gala nga ai wan kawk hpe gawut sat kau na ra ai n rai. Shi gaw teng man rap ra ai hte awng padang hkam la lu ai aten du hkra, shakut shaja na ra ai.

LUKA 17:20

Hparishe nkau mi gaw Yesu hpe, Karai Kasang a Mungdan galoi du na lam san ma ai. Shi gaw, “Karai Kasang a Mungdan du ai gaw, myi hte yu nna mu lu ai hku du na n rai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.