MAHTE 11:8 - Jinghpaw Common Language Bible 2009

⁸ Mani tsawm ai bu hpun palawng bu hpun ai ni gaw Hkawhkam htingnu hta nga ma ai.

Jinghpaw Hanson Version Bible

⁸ shing n rai, hpa yu na sa myit ta? mani ai hpun palawng bu hpun ai wa hpe, rai ni? Yu mu, mani ai hpun palawng bu hpun ai ni gaw, hkawhkam a htingnu ni hta nga ma ai.

MAHTE 11:8 ပူးပေါင်းရင်းမြစ်များ

2 HKAWHKAM 1:8

Shanhte gaw, “Dai wa gaw yam nga ahpyi hte galaw ai palawng galu hpe hpun nhtawm shanhpyi shingkyit langai kyit da nga ai,” ngu nna htan mu ai. Shaloi hkawhkam wa gaw, “Dai gaw Elia n rai a hka!,” ngu nna tsun wu ai.

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

ZEHKARIA 13:4

Dai aten du jang, myihtoi kadai mung shi a shingran hta gumrawng lu na n rai; myihtoi langai zawn galaw lu na n rai, amyu masha ni hpe masu hkalem na nga, myihtoi hpun palawng hpun lu na n rai.

MAHTE 11:7

Ya, shanhte wa mat ai hpang, Yesu gaw Yawhan a lam hte lakap nna shawa masha ni hpe tsun mu ai gaw, “Nanhte dai nam mali de Yawhan kaw sa ai shaloi, nanhte hpa hpe mu la na myit mada nna sa myit ta? Mani tsawm ai bu hpun palawng bu hpun ai wa hpe rai ni? Nbung e kanga ai mai-aw hpe rai ni?

MAHTE 11:9

Dai n rai yang gaw, hpa sa yu na pru sa myit ta? Myihtoi langai ngai hpe sa yu na matu rai ni? Rai sa; nanhte gaw myihtoi hta grau kaba ai wa hpe mu lu manit dai.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

LUKA 7:25

Shing n rai, hpa hpe yu na sa myit ta? Mani tsawm ai bu hpun palawng bu hpun tawn ai wa hpe rai ni? Dai zawn tsawm htap ai bu hpun palawng bu hpun nna nhpaw n-ya ningngai nga lu ai gaw, hkawhkam htingnu ni hta mu lu nga ai.

1 KORINHTU 4:11

Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

2 KORINHTU 11:27

Bungli hte kyin dut ai, law law lang yup n lu sha ai, kaw si hpang gara hkrum ai, law law lang, lusha dumhprut ai, shingbyi shara n lu ai hte singgu krin re ai tsin yam ahkrum nga nngai.

TARA JAHPRANG 28:54

Dai zawn wang shinggrup da hkrum ai aten e, nanhte hta nachying sumnung shingdi ai wa pyi myit chyum myit htum hkrum nna lusha kadawn mat ai a majaw shi a kasha majing ni hpe pyi sha kau na wu ai. Shi tsaw ra ai kahpu kanau, madu jan hte naw ngam nga ai kasha ni hpe pyi kam jaw sha na wu ai n rai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.