MAHTE 11:7 - Jinghpaw Common Language Bible 2009

⁷ Ya, shanhte wa mat ai hpang, Yesu gaw Yawhan a lam hte lakap nna shawa masha ni hpe tsun mu ai gaw, “Nanhte dai nam mali de Yawhan kaw sa ai shaloi, nanhte hpa hpe mu la na myit mada nna sa myit ta? Mani tsawm ai bu hpun palawng bu hpun ai wa hpe rai ni? Nbung e kanga ai mai-aw hpe rai ni?

Jinghpaw Hanson Version Bible

⁷ Ya shanhte wa mat ai hpang, Yesu gaw Yawhan a lam hpe lakap nna shawa masha ni hpe tsun hpang mu ai gaw, “Dai nam de, hpa hpe hpu yu na, nanhte sa myit ta? nbung e kanga ai mai-aw hpe rai ni?

MAHTE 11:7 ပူးပေါင်းရင်းမြစ်များ

NINGPAWT NINGHPANG 49:4

Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.

MAHTE 11:8

Mani tsawm ai bu hpun palawng bu hpun ai ni gaw Hkawhkam htingnu hta nga ma ai.

MAHTE 12:20

Shi gaw kadang taw nga sai mai-aw hpe shadaw na ra ai n rai; Kachyi mi sha tu gala nga ai wan kawk hpe gawut sat kau na ra ai n rai. Shi gaw teng man rap ra ai hte awng padang hkam la lu ai aten du hkra, shakut shaja na ra ai.

MAHTE 21:25

Yawhan hkalup jaw ai ahkang aya gaw Karai Kasang kaw na rai ni? Masha kaw na rai ni?,” ngu nna san mu ai. Shanhte mahtang shada da bawng nna, “Anhte kaning ngu tsun na rai ta? ‘Karai Kasang kaw na re,’ ngu nna anhte tsun gaw yang, shi anhte hpe, ‘Dai rai yang, nanhte Yawhan hpe hpa rai n kam myit ta?,’ nga nna htan na ra ai.

MAHTE 3:5

Yerusalem mare na masha ni, Yuda mung ting na ni hte Yawdan hka makau ginwang shara magup hkan na masha ni shi hpang de pru sa ma ai.

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

YAWHAN 1:38

Yesu gaw hpang de kayin yu nna, dai yan hkan sa ai hpe mu wu yang, “Nan hpa tam myit ta?,” ngu nna san mu ai. Shan gaw, “Rabai e, nang kanang nga n ta?,” ngu nna shi hpe nhtang san mu ai. (Rabai ngu ai gaw, ‘Sara’ ngu ai ga re.)

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

YAKU 1:6

Rai ti mung nanhte akyu hpyi ai shaloi kam shut ai myit hte n re ai sha, kam sham ai myit hte hpyi nem lu na rai myit dai. Kam shut ai wa kadai mung nbung e ahtu nna kanawng hkawm ai panglai na hka leng hte bung nga ai.