MAHTE 11:4 - Jinghpaw Common Language Bible 2009

⁴ Yesu htan let shanhte hpe tsun dat mu ai gaw, “Na mana, mu mamu hte maren wa nna Yawhan hpe tsun dan mu:

Jinghpaw Hanson Version Bible

⁴ Yesu htan let shanhte hpe tsun mu ai gaw, “Na mana mu mamu hte maren, Yawhan hpe wa tsun dan mu:

MAHTE 11:4 ပူးပေါင်းရင်းမြစ်များ

MAHTE 11:3

“Nang gaw dai du sa na ra ai wa rai nga nni? shing n rai kaga langai ngai hpe anhte naw myit mada lu na rai nga a ni?,” ngu nna shi hpe san dat wu ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 15:30

Shaloi masha wunawng wuwa kaba shi kaw du sa ma ai hte, lagaw hten ai, myi kyaw ai, hkum hkrang hten ai ni, n chye shaga ai hte ana amyu myu kap ai machyi masha kaga law law hpe shanhte lahku sa ma ai rai nna Yesu a lagaw nhpang e shayu tawn da ma ai. Yesu mung shanhte hpe shamai shatsai ya mu ai.

MAHTE 21:14

Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi shanhte hpe shamai shatsai ya mu ai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

YAWHAN 14:11

Ngai gaw Wa hta nga nna, Wa mung ngai hta nga ai ngu nna ngai tsun ai hpe kam sham nga mu. Dai n rai yang gaw, ngai galaw dan ai amu ni hpe tau yu nna pyi kam sham nga mu.

YAWHAN 5:36

Rai ti mung ngai lu ai sakse gaw Yawhan hkam ya ai sakse hta grau kaba li ai, hpa majaw nga yang, ngai galaw ai gaw, ngai gun hpai shangut na matu, nye Wa e ngai hpe ap ya ai amu ni rai nga ai rai nna, ya ngai gun hpai nga ai amu ni e pyi, ngai hpe nye Wa e shangun dat ai lam sakse hkam ya nga ai.