MAHTE 11:28 - Jinghpaw Common Language Bible 2009

²⁸ Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

Jinghpaw Hanson Version Bible

²⁸ Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 11:28 ပူးပေါင်းရင်းမြစ်များ

YOBA 14:1

Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai. Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.

YOBA 5:7

Teng teng n rai a hka! wan num-ya ni ntsa de kaja wa poi lung wa ai zawn, anhte gaw tinang a matu ru yak tsin-yam tsindam jahkrum la nga ga ai.

SHAKAWN KUNGDAWN 116:7

Nye a myit masin e, dai Madu gaw nang hpe mai kaja ai chyeju madun dan nit dai majaw, kam hpa nga u.

SHAKAWN KUNGDAWN 32:4

Madu e, nang ngai hpe shani shana ari jaw nit dai; ginhtawng ta na kang kahtet ai a majaw, madi manyap shara ni hkun hkraw mat wa ai zawn, nye a n-gun atsam mung tsep kawp htum mat nga sali ai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

SHAKAWN KUNGDAWN 94:13

Tara n lang ai ni hpe mahkam hkam na matu, nhkun htu tawn ai aten du hkra ru tsang ai nhtoi ni kaw na, nang shi hpe ban sa ai lam jaw ya nga ndai.

HPAJI NINGLI 1:14

Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai.

HPAJI NINGLI 1:8

Yawng mayawng gaw hki ba ai de woi sa ai-hki ba ai ngu ai ga gaw nau wa kaba la nga ai. Anhte a myi ni gaw myit dik hkra galoi mung n mu lu nga ai; anhte a na ni na lu na daram galoi mung n na lu nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 11:10

Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 28:12

Shi gaw nanhte yawng hpe ban sa lam hte shalan shabran ai lam jaw ya nu ai, rai ti mung nanhte gaw shi a ga madat na matu ningdang kau myit dai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

YEREMIA 35:16

Yonadab aru arat ni gaw shanhte a kaji kawa ni hkang da ai matsun maroi ga ni hpe hkan shatup madat mara ma ai, rai ti mung, nanhte amyu masha ni gaw nye a ga hpe n madat n mara nga myit dai.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 23:4

Shanhte gaw li la ai hte hpai yak ai lit hpe masha shingma hta gyit shakap mara da nhtawm, shanhte gaw tinang a yunghkyi hte sha pyi n kam mala sharawt karum mayu ma ai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

KASA 15:10

Dai rai yang, ji wa ni e mung n hpai dang anhte mung n dang ai lit hpe sape ni a lahpa hta shagun ga nga nna ya nanhte hpa rai Karai Kasang hpe chyam yu mayu nga myit ta?

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

SHINGRAN 22:17

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.