MAHTE 11:21 - Jinghpaw Common Language Bible 2009

²¹ “O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

Jinghpaw Hanson Version Bible

²¹ “O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 11:21 ပူးပေါင်းရင်းမြစ်များ

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

AMO LAIKA (AMOS) 1:9

Dai Madu gaw, “Turu masha ni lang hte lang yubak galaw shut kau nga masai, dai lam a majaw, ngai shanhte hpe teng teng ari jaw na we ai. Shanhte gaw amyu baw ting hpe woi mat wa nna Edom mung hta bawng dung shangun ma ai, shanhte galaw da sai manang ga shaka hpe mung n shatup ma ai.

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidon yan gaw, nan hta naw chyamai na mara ai.

MAHTE 15:21

Ya, Yesu gaw dai yang na pru nna, Turu hte Sidon mare ni a makau mayang na ginwang hkan e sa du ma ai.

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

MARKU 3:8

dai hta n-ga, dai Yerusalem mare Idumea mung hte Yawdan hka sinpraw hkran na ni hte, Turu hte Sidon mare ni a grup yin ginwang hkan na masha wunawng wuwa ni yawng shi galaw dat ai amu lam ni hpe na ma ai majaw Yesu hpang de sa du ma ai.

MARKU 6:45

Yesu gaw shawa masha ni hpe shabawn dat nga yang, shi a sape ni hpe mung shaloi jang li hta shang nna shi a shawng e nawng wora hkran Betsaida mare de rap sa wa shangun dat mu ai.

MARKU 7:24

Shaloi dai yang na shi pru mat wa nna Turu mare makau lamu ga shara hkan du pru sa wa ai. Nta langai mi hta e shi shang nna, shi dai kaw nga ai lam marai langai ngai chye kau na shi n ra nga ai, rai ti mung shi makoi nga lu ai n rai.

MARKU 7:31

Dai hpang Yesu gaw Turu buga jarit kaw nna pru wa yang, Sidon hpe mung, mare shi a lamu ga ngu ai Dekapoli ginwang ka-ang hku ga lai di sa wa nhtawm, Galile nawng de sa du ma ai.

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

LUKA 4:26

Rai ti mung, Israela mung na shanhte langai mi kaw mung Elia hpe n shangun dat wu ai. Sidon mung Zarephta mare e nga ai gaida jan hpang de chyu sha shangun dat wu ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

LUKA 9:10

Kasa ni bai wa ma yang, shanhte galaw ai amu a lam shagu Yesu hpe hkai dan ma ai. Shi chyawm gaw shanhte hpe woi la nna, Betsaida ngu ai mare de shanhte hkrai lagyim sa mat wa ma ai.

YAWHAN 1:44

(Hpilip gaw Andre yan Petru nga ai Betsaida mare na rai nga ai.)

YAWHAN 12:21

Dai ni gaw Galile mung Betsaida mare na Hpilip kaw sa nna, “Hkau e, anhte gaw Yesu hpe mu mayu ga ai,” ngu nna tsun ma ai.

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

SHINGRAN 6:12

Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.