MAHTE 11:20 - Jinghpaw Common Language Bible 2009

²⁰ Mauhpa lamik kumla ni law malawng galaw dan sai mare ni, shanhte a yubak mara kaw na myit malai n lu ma ai majaw, dai mare ni hpe ning ngu daru kau mu ai.

Jinghpaw Hanson Version Bible

²⁰ Dai shaloi e Yesu gaw ga sharawt nna, shi a magam bungli malaw maga dan sai mare ni hpe, myit malai n lu ma ai majaw, ning ngu daru kau mu ai:

MAHTE 11:20 ပူးပေါင်းရင်းမြစ်များ

YEREMIA 8:6

Ngai atsawm sha madat yu nngai, rai ti mung, nang gaw teng man ai ga n tsun ndai. Nanhte hta na langai mi mung na a n hkru ai amu a jaw e yawn nga ma ai n rai; nanhte hta na langai mi mung, ‘Ngai hpa galaw shut ni ai kun?,’ nga nna san myit dai n rai. Masha hkum shagu hte gaw majan pa de htim sa wa ai gumra zawn shi a lam hta ahkawm nga ai.

MAHTE 12:41

Ninewe masha ni gaw Yona a hkaw tsun ai ga hpe na nna shanhte a yubak mara ni kaw na myit malai lu ma ai. Dai rai nna Tara Dara ai Nhtoi hta e shanhte rawt nna nanhte hpe mara shagun na marin dai; ngai nanhte hpe tsun made ga, ndai yang e Yona hta grau kaba ai wa nga nga ai.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

KASA 17:20

Nang tsun ai lam nkau mi gaw anhte a matu laklai nga ai rai nna dai lam hpa nga mayu ai gaw, anhte chye mayu ga ai,” ngu nna tsun mu ai.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

SHINGRAN 16:11

Shing rai shanhte a machyi ai hte hpye shanam ai ana a majaw, shanhte gaw sumsing lamu na Karai Kasang hpe matsa shatan ma ai. Rai ti mung tinang a n hkru n kaja ai arawn alai ni hta na myit malai n lu ma ai.

SHINGRAN 16:9

Dai rai nna masha ni gaw, ja la ai kang kahtet ai hte hkru jahkat kau ai hkrum nna, ana zinli ni hpe up madu ai Karai Kasang a mying nsang hpe matsa shatan ma ai. Rai ti mung shanhte gaw, myit malai mung n lu, Karai Kasang a grau htum ai hpung shingkang hpe mung n shakawn shagrau ma ai.

SHINGRAN 2:21

Ngai shi hpe yubak mara ni kaw na myit malai lu na aten jaw da rai ti mung, shi a hpye ai amu lam hta na myit malai n lu hkraw nga ai.