MAHTE 11:2 - Jinghpaw Common Language Bible 2009

² Hkristu galaw dat ai amu bungli a lam ni hpe Yawhan gaw htawng hta e na wu yang, shi a sape nkau mi hpe shi hpang de shangun dat nna,

Jinghpaw Hanson Version Bible

² Hkristu e galaw dat ai amu bungli a lam Yawhan gaw htawng hta e na wu yang shi a sape hta na shi shangun dat nna,

MAHTE 11:2 ပူးပေါင်းရင်းမြစ်များ

MAHTE 1:17

Shing rai, Abraham a prat kaw nna Dawi prat du hkra; ahtik labau shi mali; bai, Dawi a prat kaw nna Babelon e bawng dung nga ai prat du hkra ahtik labau shi mali; bai, Babelon e bawng dung nga ai kaw nna Meshia shangai wa ai ten du hkra ahtik labau shi mali rai nga ai.

MAHTE 14:3

Herod gaw shawng kaw nna kanau Hpilip a madu jan Herodia a majaw, Yawhan hpe rim gyit la nhtawm htawng e bang da nu ai.

MAHTE 4:12

Yawhan hpe htawng hta rim bang da ai lam Yesu na wu yang, shi Galile mung de htawt sa mat wa ai.

MAHTE 9:14

Shaloi Hkalup sara Yawhan a sape ni Yesu kaw sa du nna, “Anhte hte Hparishe ni, ya sha ya sha lusha gam gam rai ga ai mi, na a sape ni hpa majaw lusha n-gam nga ma hka?,” ngu mu ai.

MARKU 6:17

Hpa majaw nga yang Herod shi nan Yawhan hpe rim la shangun nhtawm htawng hta gyit bang nna sharen da nu ai. Herod shing rai galaw ai lam gaw, shi a kanau Hpilip a madu jan Herodia hpe hkungran la ai majaw rai lu ai.

LUKA 3:19

Rai ti mung, munggyi Herod gaw shi a kanau Hpilip a madu jan Herodia hpe kashun la ai hta n ga, shi galaw ai n hkru n kaja ai amu kaga law law hte seng nna mung, daru sharin ai hkrum wu ai.

LUKA 9:7

Shing rai byin ai lam yawng hpe Galile Ginwang up ai Herod munggyi na la nna myit grai ung ang bu nga ai, hpa majaw nga yang, masha nkau mi Hkalup sara Yawhan si ai kaw na bai hkrung rawt wa sai.

YAWHAN 4:1

Yesu gaw Yawhan hta grau law ai masha ni hpe hkalup jaw nna sape shatai la nga ai lam Hparishe ni na ma ai. (