MAHTE 11:19 - Jinghpaw Common Language Bible 2009

¹⁹ Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

Jinghpaw Hanson Version Bible

¹⁹ Dai Masha Kasha du sa nna, lu nga sha nga ai rai timung, Ndai sha marim ai wa, tsabyi lu shalai ai hte, kang hta ai ni, yubak kap ai ni a jinghku hpe yu mu, nga nna bai tsun ma ai. Hpaji byeng-ya chyawm gaw, shi a amu bungli hta awlaw ai hkrum nga ai,” ngu mu ai.

MAHTE 11:19 ပူးပေါင်းရင်းမြစ်များ

SHAKAWN KUNGDAWN 109:20

Madu e, dai zawn n hkru n shawp ai lam hte ngai hpe tsun shatan nga ai, nye a gumlau hpyen ni hpe, dai lam hku nna ari jaw u.

GA SHAGAWP 17:24

Zai byeng-ya rawng ai masha gaw shamu shamawt lam hpe hpaji rawng ai hku yu shading nga ti mung angawk ai wa chyawm gaw man ang ai de rawt sa wa nga ai.

GA SHAGAWP 23:21

Tsa chyaru nang ai ni hte nakru kinru ai ni gaw matsan chyaren re mat na mara ai. Nang galaw ai lam yawng hta yup ai hte sha ai rai yang, loi hkring mi rai yang, tsupni hpun ai nang hkrum na rin dai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

LUKA 14:1

Bansa Nhtoi langai mi hta, Hparishe ningbaw ningla langai mi a nta e, shat sha na nga, Yesu shang nga yang, masha ni shi hpe htep kaw nna la mada yu nga ma ai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 7:29

Masha yawng mayawng gaw Yawhan a ga na la ma ai; shing rai shanhte hte, kang hta ai ni pyi gaw Yawhan a lata hta hkalup sa hkam la let dai Karai Kasang a ding man ai lam hpe sak se hkam shagrau ma ai.

YAWHAN 2:2

Yesu hte sape ni hpe mung, dai poi de shaga da mu ai.

ROMA 15:2

Anhte langai hte langai gaw, makam masham garai n ngang ai hpu nau ni a makam masham ngang kang wa hkra shanhte a mai kaja lam hpe tam let shangwi shapyaw nga ga.

SHINGRAN 7:12

“Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.