MAHTE 11:17 - Jinghpaw Common Language Bible 2009

¹⁷ ‘Anhte nanhte a matu hkungran poi hte seng ai sumpyi dum timung, nanhte n ka myit dai! Makoi mayang ai poi hte seng ai yawn hkyen mahkawn ni mahkawn ti mung nanhte n hkrap myit dai!,’ nga nna gat hkan e dung nga let hpung mi gaw hpung mi hpe marawn gintan hkat nga ai ma ni hte bung nga ma ai.

Jinghpaw Hanson Version Bible

¹⁷ Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

MAHTE 11:17 ပူးပေါင်းရင်းမြစ်များ

NINGPAWT NINGHPANG 50:10

Yawdan hka a sinpraw hkran na Atad a chyarang pa e shanhte du shang wa ma yang, shanhte gaw aten galu wa mi ja ja sharung shayawt nga ma ai. Yosep mung yawn hkyen poi hpe sanit ya tup galaw wu ai.

1 HKAWHKAM 1:40

Dai hpang shanhte yawng mung shi a hpang de hkan lung wa nhtawm sumpyi dum let ja ja kabu jahtau nga ma ai rai nna, lamu ga gaw shanhte a garu marawn ai a majaw kadu ashun nga ai.

ESAIA 30:29

Rai ti mung, Karai Kasang a amyu masha ni e, nanhte gaw chyoi pra ai lusha poi hpe shana e galaw ai zawn, kabu gara ai hte mahkawn mangoi lu na rai myit dai. Nanhte gaw Israela a lunghkrung ngu ai dai Madu a Htingnu de sumpyi dum let shanhte hkawm lung wa ai zawn kabu gara na rai myit dai.

YEREMIA 31:4

Ngai gaw nanhte hpe kalang mi bai de da na mawe ai. Nanhte gaw kalang mi bai chying bau ni dum let kabu gara ai hte ka manawt lu na rai myit dai.

MAHTE 11:16

Ya, ndai prat na amyu hpe ngai hpa hte shadawn lu na mawe ta? shanhte gaw,

MAHTE 11:18

Yawhan du sa nna lu sha gam let sabyi n lu ai sha nga ai shaloi, ‘Shi nat kap ai wa rai nga ai,’ nga nna masha shagu tsun ma ai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

MAHTE 9:23

Dai hpang, Yesu gaw dai tara jawng agyi a nta de sa du nna, sumpyi dum ai ni hte sharung shayawt nga ai shawa masha ni hpe mu wu ai.

LUKA 15:25

“Dai ten hta kasha kaba wa gaw yi de du nga ai. Dai de na wa nna nta du wa magang yang, chying bau dum ai hte ka manawt ai nsen na wu ai.

LUKA 23:27

Masha wunawng kaba shi a hpang e hkan nang ma ai, dai ni hta, shi a majaw hkrap ngu hkrap ngoi sharung shayawt nga ai numsha ni nkau mi mung lawm nga ma ai.

LUKA 7:32

Shanhte gaw, gat hkan e dung nga ai ma ni hte bung nga ma ai. Dai ma ni hta na hpung mi gaw kaga hpung mi hpe jahtau gintan nna tsun ai gaw, ‘Anhte gaw nanhte a matu, hkungran poi galaw chyai ai hku mahkawn sumpyi dum ya timung, nanhte n ka myit dai! Anhte makoi mayang poi galaw chyai ai hku yawn hkyen mahkawn, mahkawn ya timung, nanhte n hkrap myit dai!’

LUKA 8:52

Yawng mayawng gaw, dai ma a majaw, hkrap ngu hkrap ngoi nga nna sharung shayawt nga ma ai. Yesu gaw, “Hkum hkrap myit, shi si ai n rai, yup pyaw nga ai,” ngu mu ai.