MAHTE 11:11 - Jinghpaw Common Language Bible 2009

¹¹ Nanhte hpe ngai teng teng tsun made ai gaw, numsha kaw na shangai shaprat da sai shinggyim masha ni hta Hkalup Sara Yawhan hta grau kaba ai masha langai mi mung garai n paw pru yu ai, rai ti mung, Sumsing lamu a Mungdan hta kaji dik ai wa gaw, shi hta grau kaba nga ai.

Jinghpaw Hanson Version Bible

¹¹ Nanhte hpe ngai teng teng tsun made ai gaw, Numsha kaw shangai ai ni hta, Baptisma Sara Yawhan hta grau kaba ai marai langai mi muk n paw pru ai: rai timung, sumsing lamu a mungdan hta kaji ai wa gaw, shi hta grau kaba nga ai.

MAHTE 11:11 ပူးပေါင်းရင်းမြစ်များ

YOBA 14:1

Anhte yawng gaw n-gun kya ai hte shangai wa nna matsan mayan hkrum ai ni hkrai rai nga ga ai. Yawng gaw aprat kadun nna ruyak tsin-yam tsindam hte hpring ai asak hkrun lam hkrai rai nga ai.

YOBA 14:4

Shinggyim masha ni zawn n san n seng ai arai hpa kaw na mung san seng ai arai shapraw ya lu ai n rai.

YOBA 15:14

Shinggyim masha kadai mung teng teng san seng lu a ni? Kadai mung Karai Kasang hta ding man lu a ni?

YOBA 25:4

Kadai wa ding man lu a ta? Karai Kasang a man e kadai wa san seng lu na rai ta?

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

ESAIA 30:26

Shata gaw ajan zawn htoi tu wa na ra ai, jan a nhtoi gaw mi na hta htam sanit grau htoi wa nna sanit ya na nhtoi gaw kalang mi htoi ai n-gun zawn tai na ra ai. Dai Madu gaw shi a amyu masha ni hpe shakap da ya sai nma ni hpe ahkyen kayawp nna shamai shatsai ya ai shaloi ndai lam byin wa na ra ai.

ZEHKARIA 12:8

Dai aten hta dai Madu gaw Yerusalem hta shanu nga ai ni hpe makawp maga ya na ra ai rai nna, shanhte hta na n-gun kya htum ai wa pyi Dawi zawn n-gun ja ai wa tai wa na ra ai. Dawi a amyu matu ni gaw dai Madu a lamu kasa zawn, rai sa Karai Kasang shi hkum nan zawn shanhte hpe lam woi na mara ai.

MAHTE 11:10

Hpa majaw nga yang, chyum laika hta: ‘Karai Kasang gaw, na a man e, na lam lajang magang na, nye a kasa hpe na a shawng de ngai shangun dat na we ai,’ nga nna tsun ai lam ka da nga ai.

MAHTE 11:12

Hkalup Sara Yawhan hkaw tsun hpang ai ten kaw nna, ya ndai shani du hkra, sumsing lamu a Mungdan gaw kashun kashe dang lu n-gun lang ai ni gaw dai mungdan hpe kashun shing nyen la na matu shakut nga ma ai.

MAHTE 3:1

Dai ladaw a laman e, Hkalup sara Yawhan paw pru nna, Yuda nam mali hkan e,

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 5:19

Dai rai nna, kadai mung, dai hkang da ai ga ni hta na kaji htum ai ga hpe n madat n mara tawt lai nna, masha kaga ni hpe mung, shing rai galaw na matu sharin shaga a yang gaw, sumsing lamu a mungdan hta kaji htum ai wa tai na ra ai. Rai ti mung, jep ai Tara ni hpe madat mara hkan sa nna kaga ni hpe mung dai hte maren galaw na matu sharin achyin ya ai wa chyawm gaw, sumsing lamu a mungdan hta kaba ai wa tai na ra ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 7:28

“Nanhte hpe ngai tsun made ga, numsha kaw na shangai ai ni hta, Yawhan hta grau kaba ai langai mi mung n nga yu ai, rai ti mung, Karai Kasang a Mungdan hta kaji htum ai wa gaw Yawhan hta grau kaba ai wa rai nga ai,” ngu mu ai.

LUKA 9:48

“Ndai ma hpe nye a mying a majaw hkap la ai wa kadai mung, ngai e shangun dat ai wa hpe hkap la ai rai nga ai, dai rai nna, nanhte mahkra hta grau kaji ai wa gaw, grau kaba ai wa rai nga ai,” ngu mu ai.

YAWHAN 1:15

Shi a lam Yawhan sakse hkam ya wu ai gaw, “Nye a hpang e du sa ai wa gaw, ngai garai n shangai kaw nna nga nga sai wa rai nna, ngai hta grau kaba ai wa rai nga ai, ngu nna ngai sakse hkam ya ai wa gaw ndai wa nan rai nga ai,” ngu nna jahtau tsun ai.

YAWHAN 1:27

Dai wa gaw nye a hpang e du sa ai wa rai nga ai; shi a kyepdin sumri hpe raw ya na pyi ngai n ging nngai,” ngu nna shanhte hpe htan mu ai.

YAWHAN 10:41

Masha law law wa shi kaw sa du nna, “Yawhan gaw hpa mauhpa lamik kumla mung n galaw dan ai, rai ti mung ndai wa a lam Yawhan tsun matsun chyawm gaw teng man nga ai,” nga ma ai.

YAWHAN 3:30

Shi gaw jat wa na ra ai, ngai chyawm gaw yawm wa na rai nga nngai,” nga ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

YAWHAN 7:39

Yesu gaw, shi hpe kam sham ai ni hkam la lu na rai nga ai Wenyi a lam hpe sha-ang nna ndai lam tsun nga ai. Hpa majaw nga yang, Yesu gaw shi a hpung shingkang garai n dan hkung ai majaw, shi hpe kam sham ai ni hpe dai Wenyi garai n jaw wu ai.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

1 KORINHTU 6:4

Shing re ai amu lam pru wa ai shaloi Hpung hte hpa n seng ai, Hpung hta ahkang aya n lu ai ni hpe jeyang daw dan shangun na rai myit ni?

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

2 TIMOHTI 1:10

Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

HEBRE 11:40

Hpa majaw nga yang, Karai Kasang gaw anhte a matu mara grau kaja ai shatawng shada ai lam hpe daw dan masat da nu ai. Dai shatawng shada ai lam gaw, anhte hte rau rai yang sha, shanhte gaw hkum tsup ai lam lu la na hku rai nga ai

1 PETRU 1:10

Ndai hkye hkrang la ai lam hte seng nna myihtoi ni gaw akri akrai sawk tam jep yu nhtawm, Karai Kasang nanhte hpe jaw na rai nga ai dai chyeju kumhpa a lam shanhte myihtoi htoi htawn tsun ma ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.