MAHTE 11:10 - Jinghpaw Common Language Bible 2009

¹⁰ Hpa majaw nga yang, chyum laika hta: ‘Karai Kasang gaw, na a man e, na lam lajang magang na, nye a kasa hpe na a shawng de ngai shangun dat na we ai,’ nga nna tsun ai lam ka da nga ai.

Jinghpaw Hanson Version Bible

¹⁰ ‘Yu u, na a man e, na a lam lajang magang na, Nye a kasa hpe na a shawng de ngai shangun dat we ai,' nga nna ka da ai ga gaw shi a lam rai nga lu ai.

MAHTE 11:10 ပူးပေါင်းရင်းမြစ်များ

ESAIA 40:3

Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 11:11

Nanhte hpe ngai teng teng tsun made ai gaw, numsha kaw na shangai shaprat da sai shinggyim masha ni hta Hkalup Sara Yawhan hta grau kaba ai masha langai mi mung garai n paw pru yu ai, rai ti mung, Sumsing lamu a Mungdan hta kaji dik ai wa gaw, shi hta grau kaba nga ai.

MAHTE 11:3

“Nang gaw dai du sa na ra ai wa rai nga nni? shing n rai kaga langai ngai hpe anhte naw myit mada lu na rai nga a ni?,” ngu nna shi hpe san dat wu ai.

MAHTE 3:3

“Dai Madu a matu lam lajang da mu, Shi a matu, hkawm sa wa na lam masun ni hpe shading mu, nga nna nam mali kata e masha langai mi jahtau nga ai,” nga nna myihtoi Esaia tsun ai wa gaw Yawhan hpe nan ngu ai rai nga ai.

MARKU 1:2

Myihtoi Esaia a laika hta ka da nga ai hte maren: “Karai Kasang gaw, ‘Na lam lajang magang na matu nye a kasa hpe na a shawng e ngai shangun dat na we ai.’

LUKA 1:76

“Ma e, nang gaw Tsaw Htum Ai Wa a myihtoi ngu nna shamying ai lam hkam la nna, shi a lam lajang na matu, shi a shawng numshawn e sa wa na rin dai.

YAWHAN 1:23

Yawhan gaw, “Ngai gaw myihtoi Esaia htawn tsun ai hte maren, ‘Dai Madu a matu shi hkawm sa na lam shading mu,’ nga nna nam e jahtau ai nsen rai nga nngai,” ngu mu ai.