MAHTE 11:1 - Jinghpaw Common Language Bible 2009

¹ Ya, Yesu gaw shi a sape shi lahkawng hte hpe hkang da ngut yang, ni nawn ai mare kahtawng ni hta sharin shaga nna, mungga hkaw dan na matu, shi dai shara kaw na pru sa wa ai.

Jinghpaw Hanson Version Bible

¹ Ya, Yesu gaw shi a sape shi lahkawng hte hpe hkang da ngut yang, shanhte a mare ni hta sharin shaga nna, tara hkaw hkawm wa na matu, shi dai shara kaw na pru sa wa ai.

MAHTE 11:1 ပူးပေါင်းရင်းမြစ်များ

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 7:28

Ya Yesu dai ga ni hpe hkaw tsun ngut jang, shi sharin shaga ai lam hpe shawa masha ni mau mat nga ma ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MARKU 6:12

Shaloi shanhte pru sa nna, masha ni hpe shanhte a yubak mara ni kaw na kayin wa lu na lam hkaw dan mu ai.

LUKA 23:5

Rai ti mung shanhte mahtang grau nna ja ai nsen hte, “Ndai wa gaw Yuda mung ting hte Galile mung kaw nna, ya ndai kaw du hkra sharin shaga nga ai hte, mung masha ni hpe woi kabrawng wu ai,” nga nna tsun anin shadut ma ai.

LUKA 8:1

Dai hpang gade n na yang, Yesu gaw Mare ni hte kahtawng ni de du hkawm sa nna, Karai Kasang a Mungdan lam Kabu Gara Shiga ni hpe hkaw tsun nga ai. Sape shi lahkawng hte mung shi hte rau hkawm sa ma ai.

YAWHAN 15:10

Ngai gaw nye Wa a hkang da ai ga ni hpe madat mara hkan shatup nna, shi a tsaw ra ai hta maju jung nga nngai zawn, nanhte mung nye a hkang da ai ga ni hpe madat mara hkan shatup myit yang gaw, nye a tsaw ra ai hta maju jung na myit dai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

KASA 1:2

sumsing lamu de shalun la hkrum ai shani du hkra, galaw dan ai hte sharin shaga wa ai lam yawng mayawng a lam shawng na laika hta ngai ka hpajang da se ai. Yesu gaw sumsing lamu de shalun la ai garai n hkrum yang, shi a lata la ai kasa ni hpe Chyoi Pra ai Wenyi a atsam hte matsun hkang da mu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

1 HTESALONI 4:2

Hpa majaw nga yang, nanhte kaning rai asak hkrung hkawm sa mai na hkang da ai lam ni hpe Madu Yesu a ahkaw ahkang hte nanhte hpe anhte jaw da saga ai gaw nanhte chye nga myit dai.

2 HTESALONI 3:10

Nanhte hte rau anhte naw nga nga ai ten hta, “Amu bungli n galaw mayu ai wa gaw shat mung n sha u ga,” ngu nna nanhte hpe anhte tsun ga saga ai.

2 HTESALONI 3:6

Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai.

1 TIMOHTI 6:14

Nang gaw nang hpe hkang da sai lam ni hpe madat mara nna Hkristu bai dan pru na ra ai shani nhtoi du hkra kang ka ai hte hkan sa shatup nga u.