MAHTE 10:33 - Jinghpaw Common Language Bible 2009

³³ Masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e ngai nyet kau na we ai.

Jinghpaw Hanson Version Bible

³³ masha ni a man e ngai hpe nyet kau ai wa hpe chyawm gaw, sumsing lamu e nga ai, nye Wa a man e, dai wa hpe ngai nyet kau na we ai.

MAHTE 10:33 ပူးပေါင်းရင်းမြစ်များ

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

MARKU 14:30

Yesu gaw Petru hpe, “Ngai nang hpe teng teng tsun de ga, dai na pyi u lahkawng lang garai n goi yang, nang ngai hpe n chye nngai nga nna masum lang nyet kau na rin dai,” ngu nna tsun wu ai.

MARKU 14:72

Shaloi jang dai u lahkawng bat goi nga ai. Dai rai nna Petru gaw, “U lahkawng lang garai n goi yang, nang ngai hpe masum lang nyet kau na rin dai,” nga nna Yesu shi hpe tsun ai ga dum dat ai hte rau hkrap gumpye taw nga ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

LUKA 12:9

Rai ti mung, masha ni a man e, ngai hpe nyet kau ai wa hpe chyawm gaw, Masha Kasha mung, Karai Kasang a lamu kasa ni a man e, shi hpe nyet kau na ra ai.

LUKA 22:57

Rai ti mung Petru gaw, “Num nang e, dai wa hpe ngai n chye nngai,” ngu nna nyet kau wu ai.

LUKA 9:26

Masha langai mi gaw, ngai hte nye a sharin shaga ai ga a majaw kaya ai rai yang, dai Masha Kasha gaw, tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa ai shaloi, dai wa hpe kaya kau na ru ai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

2 PETRU 2:1

Lai wa sai ten e masha ni hta myihtoi masu ni paw pru ma ai hte maren, nanhte hta mung sara masu ni paw pru na mara ai. Shanhte gaw jahten sharun ai, n teng n man ai sharin shaga ai lam ni hpe mayun shashawn bang nna tinang hpe hkye mawai la sai Madu hpe ningdang kau na mara ai. Shing rai shanhte gaw shanhte a ntsa e akajawng sha hten bya ai lam du shangun na maru ai.

1 YAWHAN 2:23

Dai Kasha hpe ndang kau ai wa kadai rai t mung, dai Kawa hpe mung ndang kau ai wa rai nga ai. Dai Kasha hpe hkap la ai wa dai Kawa hpe mung hkap la ai wa rai nga ai.