MAHTE 10:27 - Jinghpaw Common Language Bible 2009

²⁷ Ngai nanhte hpe nsin kata e tsun dan ai lam hpe nhtoi hta e tsun dan mu: nanhte machyi shim ai hku na la ai lam hpe nta numgaw ntsa kaw nna ndau shana lu na rai myit dai.

Jinghpaw Hanson Version Bible

²⁷ Ngai nanhte hpe nsin kata e tsun dan ai lam hpe, nhtoi hta e tsun dan mu: nanhte na hta e na la ai lam hpe, nta ntsa nna hkaw dan mu.

MAHTE 10:27 ပူးပေါင်းရင်းမြစ်များ

ESAIA 22:1

Ndai gaw Shingran Kadit hte seng ai mungga langai rai nga ai. Hpa byin nga a ni? Mare masha ni yawng gaw hpa majaw nta numgaw ntsa e poi galaw nga ma ni?

MAHTE 24:17

Nta numgaw e nga ai wa gaw shi a nta na arai ni hpe shang la na, hkum yu wa nu ga.

LUKA 12:3

Dai re ai majaw, nsin e nanhte tsun matsun hpe, nhtoi e masha ni na shajang na mara ai; kata gawk e kahte tsun hkat ai ga hpa rai tim, nta numgaw ntsa nna marawn jahtau tsun na ma ra ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

YAWHAN 16:1

Yesu gaw, “Nanhte a makam masham n hten mat u ga ngu nna, ndai lam ngai nanhte hpe tsun da made ai.

YAWHAN 16:13

Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.

YAWHAN 16:25

“Ndai lam ni hpe ga shadawn ni hte ngai nanhte hpe tsun dan ma sade ai; rai ti mung ga shadawn hku n re ai sha Wa a lam nanhte hpe dan dan leng leng tsun dan na ahkying gaw du na ra ai.

YAWHAN 16:29

Shaloi shi a sape ni gaw, “Yu u, ya gaw ga shadawn n lang ai sha dan dan leng leng nang tsun nga nit dai.

KASA 17:17

Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

KASA 5:20

“Nanhte pru wa nna Nawku Htingnu e wa tsap let, ndai asak hkrung ai lam ningnan hte seng ai ga yawng mayawng shawa masha ni hpe tsun dan mu,” ngu dat wu ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.