MAHTE 10:2 - Jinghpaw Common Language Bible 2009

² Ya dai kasa shi lahkawng a mying ni gaw ndai ni rai nga malu ai; shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

Jinghpaw Hanson Version Bible

² Ya dai kasa shi lahkawng a amying, ndai rai nga malu ai: shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

MAHTE 10:2 ပူးပေါင်းရင်းမြစ်များ

MAHTE 17:1

Ya kru ya na jang, Yesu gaw Petru, Yaku hte shi a kanau Yawhan hte hpe shaga la nhtawm, tsaw ai bum ntsa e kaga lak shanhte hpe woi lung mu ai.

MAHTE 20:20

Dai shaloi e, Zebedi a kasha yan a kanu gaw, shi a kasha yan hte rau, Yesu kaw sit sa nna shi ra sharawng ai lam galaw ya na matu hpyi wu ai.

MAHTE 26:37

Shaloi Petru hte Zebedi a kasha yan hpe shi hte rau shaga woi sa mat wa ai. Shi gaw yawn hkyen hkrum nna, myit ru myit tsang grai byin nga ai.

MAHTE 4:18

Ya, Yesu Galile nawng makau e garet hkawm nga yang, shan nau rai nga ai nga hkan sha ai masha marai lahkawng, Petru ngu ai Simun hte shi a kanau Andre yan gaw, shan a sumgawn langai mi hte nawng hta e nga hkan nga ma ai hpe shi mu hkrup wu ai.

MAHTE 4:21

Bai dai kaw nna hkawm wa yang, kaga shan nau rai nga ai Zebedi a kasha Yaku hte kanau Yawhan hpe mu hkrup wu ai. Shan gaw kawa Zebedi hte rau li hta nga nga nna shanhte a sumgawn ni hpe kapa nna hkyen lajang nga ma ai. Yesu gaw shan hpe shi a hpang hkan nang na matu shaga la mu ai.

MARKU 1:29

Dai hpang Yesu hte sape ni gaw Yaku yan Yawhan hte rau tara jawng na pru wa nhtawm, Simun yan Andre a nta de ding tawng sa shang ma ai.

MARKU 13:3

Yesu gaw Tsanlun bum ntsa e Nawku Htingnu de man yawng let dung nga yang, Petru, Yaku, Yawhan hte Andre hte gaw shanhte hkrai shi kaw sit sa ma ai.

MARKU 6:30

Kasa ni gaw Yesu kaw wa zup nna, shanhte galaw sai lam hte sharin shaga ai lam yawng mayawng shi hpe shana dan mu ai.

LUKA 11:49

Dai re ai majaw, Karai Kasang a Hpaji Byeng-Ya tsun ai gaw, ‘Myihtoi hte kasa ni hpe, ngai shanhte hpang de shangun dat na mawe ai rai nna, dai ni hta na nkau mi hpe shanhte sat kau nna, nkau mi hpe zingri zingrat na maru ai.’

LUKA 22:14

Ya aten du jang, Yesu gaw sape ni hte rau sha ku e dung nga ai.

LUKA 22:8

Yesu gaw, Petru yan Yawhan hpe, “Anhte sha na matu Shalai wa ai Poi hpe sa shachyip lajang magang mu,” ngu nna shangun dat mu ai.

LUKA 5:10

Dai hte maren, Simun a manang ni rai nga ai, Zebedi a kasha Yaku yan Yawhan mung mau mat ma ai. Shaloi Yesu gaw, Simun hpe, “Hkum hkrit et, ya kaw nna nang masha ni hpe hkan hkwi na rin dai,” ngu wu ai.

LUKA 9:10

Kasa ni bai wa ma yang, shanhte galaw ai amu a lam shagu Yesu hpe hkai dan ma ai. Shi chyawm gaw shanhte hpe woi la nna, Betsaida ngu ai mare de shanhte hkrai lagyim sa mat wa ma ai.

YAWHAN 12:22

Shaloi Hpilip gaw Andre hpe sa tsun nna, Andre yan Hpilip shan lahkawng gaw Yesu hpe sa tsun dan ma ai.

YAWHAN 13:23

Shaloi Yesu tsaw ra ai sape langai mi gaw, Yesu a hkra maga de yep rai dung nga ai.

YAWHAN 20:2

Dai majaw shi gaw, Simun Petru hte Yesu tsaw ra ai sape kaga hpang de gat wa nhtawm, “Dai Madu hpe lup kaw na la mat wa masai, shanhte shi hpe kanang e tawn da masai kun? Anhte n chye ga ai!,” ngu nna shan hpe tsun mu ai.

YAWHAN 21:2

Simun Petru hte (Marun mying ai) Htawma, Galile mung Hkana kahtawng na Nahtanela, Zebedi a kasha yan, kaga Yesu a sape lahkawng, yawng hte rau rai nga ma ai.

YAWHAN 21:20

Shaloi Petru kayin yu u yang, Yesu tsaw ra ai sape ngu ai shawng de shana shat sha nga ai shaloi, Yesu a sinda hta shamyet nna, “Madu e nang hpe ap kau na wa gaw kadai mahtang rai ta?,” nga nna san ai sape hkan nang nga ai hpe, mu wu ai.

YAWHAN 21:24

Dai sape wa gaw, ndai lam ni hpe sakse hkam tsun dan nna, ndai lam ni ka da ai wa rai nga ai. Shi tsun dan ai ga teng man nga ai mung, anhte chye ga ai.

YAWHAN 6:67

Dai rai nna Yesu gaw shi a sape shi lahkawng hte hpe, “Nanhte mung wa mat mayu myit ni?,” ngu nna san mu ai.

YAWHAN 6:70

Bai Yesu gaw, “Nanhte shi lahkawng hpe ngai lata la masa de ai n rai ni? Rai ti mung, nanhte hta na langai mi gaw nat matse rai nga ai,” ngu nna shanhte hpe htan mu ai.

YAWHAN 6:71

Shing nga tsun ai gaw, Simun Iskarut a kasha Yuda hpe sha-ang nna tsun ai rai nga ai, hpa majaw nga yang, dai wa gaw sape shi lahkawng hta na langai mi rai nga ai, rai ti mung shi hpe ap kau na maw ai wa rai nga ai.

YAWHAN 6:8

Shaloi shi a sape ni hta na Simun Petru a kanau Andre gaw,

KASA 1:13

Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.

KASA 1:26

Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.

KASA 12:2

Shing rai shi gaw Yawhan a kahpu Yaku hpe htau kau wu ai.

KASA 3:1

Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

1 KORINHTU 15:7

Dai hpang Yaku kaw, dai hpang kasa ni yawng hte kaw, shi dan pru dan mu ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

HEBRE 3:1

Karai Kasang lata shaga la hkrum ai nye a Hkristan hpu nau ni e, anhte yin la ai nawku htung makam masham a Hkinjawng Agyi Kaba tai na matu Karai Kasang e shangun dat ai Yesu hpe myit yu mu.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 YAWHAN 1:1

Asak kaba sai ngai salang wa kaw nna, teng man ai hku ngai tsaw ra nga ai Karai Kasang e lata la hkrum ai Majan hte shi kashu kasha ni hpang de ga shana dat nngai. Nang hpe ngai chyu sha n rai, teng man ai lam ni hpe chye chyang ai ni yawng mayawng kaja wa tsaw ra nga ma ai.

3 YAWHAN 1:1

Asak kaba sai ngai Salang wa kaw nna nja nhpra hte teng man ai hku ngai tsaw ra nga ai Geu hpang de laika ka dat nngai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 22:8

Ngai Yawhan gaw, ndai lam ni yawng hpe na lu ai hte mu lu ai wa rai nga nngai. Ndai hte hpe mu lu ai hte na lu ngut jang, ndai lam ni ngai hpe madun dan ai lamu kasa a lagaw nhpang e, shi hpe nawku na matu ngai dingnyawm dagup nngai.