MAHTE 10:19 - Jinghpaw Common Language Bible 2009

¹⁹ Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

Jinghpaw Hanson Version Bible

¹⁹ Nanhte hpe ap kau myit dai shaloi, kaning ngu nna, hpa hku tsun lu na hpe, myit hkum tsang myit: dai ahkying hta, hpa tsun mai na gaw, nanhte hpe shadum na marin dai:

MAHTE 10:19 ပူးပေါင်းရင်းမြစ်များ

PRU MAT 4:12

Ya chyawm gaw sa wa su! Nang shaga lu na matu ngai karum na de ai; kaning ngu nna nang tsun shaga na mung ngai tsun dan na de ai,” ngu nna tsun wu ai.

PRU MAT 4:15

Nang gaw shi hte rau ga shaga lu na rai nna, kaning ngu tsun na ga shi hpe tsun dan u. Ngai gaw nan lahkawng tsun shaga na ga hpe karum ya na nngai; ngai gaw nan hpa galaw na lam hpe mung tsun dan na made ai.

YEREMIA 1:7

Rai ti mung dai Madu gaw ngai hpe, “Nang naw kaji nga nngai ngu nna hkum tsun et, rai ti mung ngai nang hpe shangun dat ai amyu masha ni hpang de sa nna ngai nang hpe tsun shaga na matu hkang dat ai lam shagu, shanhte hpe tsun na rai ndai.

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

MAHTE 6:31

Dai re ai majaw anhte hpa sha na, hpa lu na, hpa bu hpa hpun na i? nga nna myit hkum ru hkum tsang nga myit.

MAHTE 6:34

Dai rai nna, hpawt ni na matu myit hkum tsang myit; hpawt ni na hte seng ai myit tsang ai lam ni gaw hpawt ni na matu law nga ai. Lani mi na ru tsang ai gaw, dai shani na matu ram nga ai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

LUKA 12:12

Hpa majaw nga yang, Chyoi Pra Ai Wenyi gaw, dai ahkying aten hta nanhte hpa tsun mai na hpe sharin ya na ra ai.”

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

2 TIMOHTI 4:17

Rai ti mung Madu gaw ngai hte rau nga nna ngai hpe n-gun lagaw shaja ya nga ai majaw ngai gaw maigan amyu masha ni yawng na lu hkra dai Kabu Gara Shiga hpe hkum hkum tsup tsup hkaw dan lu u ga, sat kau na daw dan hkrum ai kaw na mawai la ai hkrum ni ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.