MAHTE 10:18 - Jinghpaw Common Language Bible 2009

¹⁸ Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

Jinghpaw Hanson Version Bible

¹⁸ Shanhte a man e mung, tara maigan amyu ni a man e mung, sakse tai na matu nanhte gaw nye a majaw, du ni hte hkawhkam ni a man de, dun bang ai, hkrum na marin dai.

MAHTE 10:18 ပူးပေါင်းရင်းမြစ်များ

SHAKAWN KUNGDAWN 119:46

Na a hkang da ai ga ni hpe hkawhkam ni a man e, ngai tsun ndau na nngai rai nna, kaya kahpa ngai hkrum na nngai n rai.

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MARKU 13:9

“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 11:7

Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

SHINGRAN 6:9

Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.