MAHTE 10:17 - Jinghpaw Common Language Bible 2009

¹⁷ Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

Jinghpaw Hanson Version Bible

¹⁷ Rai timung, masha ni hpe sadi nga mu: kaning rai nme law, shanhte gaw salang hpawng ni a lata hta nanhte hpe ap kau na mara ai rai nna, shanhte a tara jawng ni hta e nanhte hpe anu kayat na marin dai.

MAHTE 10:17 ပူးပေါင်းရင်းမြစ်များ

MIHKA 7:5

Na a htingbu ni hpe hkum kam myit; na a manang wa hpe hkum kamhpa myit; na a madu jan shing n rai madu wa a man e pyi nang hpa tsun shaga na lam sadi maja nga u.

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

MAHTE 26:59

Shaloi hkinjawng agyi ni hte salang Kongsi hpawng ting gaw Yesu hpe sat kau lu hkra shi a lam masu ai sakse mu tam hkra shakut ma ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MARKU 13:12

Masha ni gaw tinang a kahpu kanau shada da si ai de ap bang kau na mara ai. Kasha ni mung shanhte a kanu kawa ni hpe gumlau rawt nna sat kau shangun na mara ai.

MARKU 13:9

“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

YAWHAN 11:47

Dai rai nna Hparishe ni hte hkinjawng agyi ni gaw, Yuda Tara hte seng ai kongsi hpawng shaga jahpawng nhtawm, “Ndai wa madun dan nga ai mauhpa lamik kumla nlang hte hpe mada yu mu! Anhte gaw hpa majaw hpa mung n di ai nga nga na rai ta?

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

KASA 17:14

Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan Timohti chyawm gaw naw hti nga ma ai.

KASA 22:19

Shaloi ngai gaw, ‘Madu e ngai tara jawng ni langai hte langai hta shang nna nang hpe kam sham ai ni hpe rim la nhtawm anu kayat nna htawng hta bang da ai wa ngai rai nga nngai gaw shanhte nan chye nga ma ai.

KASA 26:11

Tara jawng ni hta shanhte hpe law law lang ari jahkrum nhtawm, shanhte a makam masham nyet kau mu ga galaw shakut se ai. Shanhte hpe ngai nachying pawt bu ai hte maigan mare kahtawng du hkra pyi, hkan zingri mase ai.

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

HPILIPI 3:2

N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

2 TIMOHTI 4:15

Nang nan shi hpe sadi makran nga u; hpa majaw nga yang shi gaw anhte hkaw tsun ai mungga hpe aja awa tsun ninghkap kau ya ai wa rai nga ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.