MAHTE 1:19 - Jinghpaw Common Language Bible 2009

¹⁹ Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

Jinghpaw Hanson Version Bible

¹⁹ Shi a madu wa Yawsep chyawm gaw, dingman nga ai rai nna, shi hpe n shabrawng mayu wu ai majaw, shi e lagyim dat kau na maw nga ai.

MAHTE 1:19 ပူးပေါင်းရင်းမြစ်များ

NINGPAWT NINGHPANG 38:24

Shata masum daram na ai hpang, marai langai mi gaw Yuda hpe, “Na a kanam Htama gaw shawa num zawn hpye hkawm nna, ya na-um nasin rai nga wu ai,” ngu nna tsun dan wu ai. Yuda gaw, “Shi hpe woi shapraw la nhtawm wan nat sat kau mu,” ngu nna hkang dat wu ai.

NINGPAWT NINGHPANG 6:9

Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

JAW JAU 19:20

“Masha wa e lashi num hku nna garai n mari la, dat kau ai mung garai n hkrum ai laman e, kaga la wa hte shut kau ai rai yang, ari jaw hkrum na rai wu ai. Numsha chyawm gaw mayam num rai nga ai majaw si ari jaw hkrum na wu ai n rai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

MARKU 10:4

Shanhte gaw, “Madu jan hpe jahka ai laika ka nna, shi hpe shabawn kau na Mawshe ahkang jaw da sai,” ngu mu ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 27:39

Nhtoi htoi jang, sanghpaw la ni gaw, shanhte kanang yang du taw nga ai hpe n chye sawn la ti mung, panglai hpung gaw zaibru jang langai mi hpe mu mada nna, byin mai yang dai zaibru jang ntsa de sanghpaw li hpe gawt mara na myit daw dan ma ai.

2 KORINHTU 1:15

Ndai lam hte hpe myit mu myit hkut ai hte, nanhte lahkawng lang na chyeju lu la myit ga, nanhte kaw shawng sa du na ngu nna nnan e ngai myit yaw shada nngai.

TARA JAHPRANG 22:20

“Rai ti mung, dai numsha mahtang hkawn jet rai nga ai sakse n madun lu ai sha, dai la wa mara shagun ai hte maren teng nga ai rai yang chyawm gaw,