MAHTE 1:16 - Jinghpaw Common Language Bible 2009

¹⁶ Yaku gaw Meshia ngu ai Yesu a kanu hpe hkungran la ai Yosep hpe shaprat wu ai.

Jinghpaw Hanson Version Bible

¹⁶ Yaku gaw Mari a madu wa Yawsep hpe shaprat wu ai; Mari mahtang gaw, Hkristu ngu ai Yesu hpe shangai wu ai;

MAHTE 1:16 ပူးပေါင်းရင်းမြစ်များ

MAHTE 1:15

Eliu a kasha gaw Eleaza; Eleaza a kasha gaw Mahtan: Mahtan a kasha gaw Yaku;

MAHTE 16:16

Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 16:20

Dai hpang Yesu gaw shi Meshia rai nga ai lam, kadai hpe mung n tsun dan mu ga, sape ni hpe ginhtim da mu ai.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

MAHTE 27:17

Dai rai nna shawa masha ni zuphpawng nga ma yang, Pilat gaw, “Nanhte a matu ngai kadai wa hpe mahtang dat ya na nanhte ra nga myit ta? Baraba hpe rai kun? Shing n rai Meshia ngu ai Yesu hpe rai kun?,” ngu nna shanhte hpe san mu ai.

MAHTE 27:22

Pilat gaw, “Dai rai yang gaw, Meshia ngu ai Yesu hpe ngai kaning di na we ta?,” ngu nna shanhte hpe san mu ai. Shanhte yawng, “Wudang hta jen sat kau u!,” ngu ma ai.

MARKU 6:3

Shi gaw Mari a kasha laksama wa rai nga ai hte Yaku, Yosep, Yuda, Simun ni a kahpu shi rai nga ai n rai ni? Shi a kajan ni mung anhte hte rau nang e nga nga ma ai n rai ni?,” nga nna san ma ai. Shing rai shanhte shi a lam myit kataw nna shi hpe n hkap la ma ai.

LUKA 1:27

Dai lamu kasa gaw, Dawi a amyu hta na Yosep ngu ai wa mahtan da ai mahkawn hpang de mungga gun sa ai. Dai mahkawn a mying chyawm gaw Mari ngu ai rai nga ai.

LUKA 2:48

Shi hpe mu jang shan mau mat ma ai rai nna, shi a kanu gaw, “Ngai sha e, hpa rai an e ning di mi ta? Yu u, na nwa hte an grai myit ru myit tsang ai hte nang hpe hkan tam nga ga ai,” ngu nna shi hpe tsun mu ai.

LUKA 2:7

Shi gaw shadang sha alat shangai nu ai: nbat hte kayawp nhtawm ushat wakang hta kaleng tawn da wu ai; kaning rai nme law, manam jarawp hta shanhte a matu nga shara n nga malu ai.

LUKA 3:23

Yesu amu galaw hpang ai shaloi asak sumshi ning daram rai wa sai; shi gaw masha ni a myit yu ai hte maren, Yosep a kasha rai nga ai; Yosep gaw Heli a kasha Heli gaw Mahtat a kasha, rai nga ai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

YAWHAN 4:25

Dai numsha mung, “Hkristu ngu ai Meshia du na ra ai hpe ngai chye nngai, shi du jang gaw, shi anhte hpe lam magup tsun madun na ra ai,” ngu wu ai.