MAHTE 1:11 - Jinghpaw Common Language Bible 2009

¹¹ Yoshia gaw Babelon mare de Israela masha ni hpe bawng dung na matu rim woi mat wa ai ten hta Yehoiahkin hte shi a kahpu kanau ni hpe shaprat wu ai.

Jinghpaw Hanson Version Bible

¹¹ Yosia gaw Babelon ginwang de bawng wa dung na aprat e, Yehkonia hte shi a kahpu kanau ni hpe shaprat wu ai;

MAHTE 1:11 ပူးပေါင်းရင်းမြစ်များ

2 HKAWHKAM 23:31

Yoahaza gaw Yuda hkawhkam tai wa yang, asak hkun masum ning rai nna Yerusalem mare hta shata masum up nga ai. Shi a kanu gaw Libna mare na Yeremia a shayi sha Hamutala rai nga ai.

2 HKAWHKAM 24:14

Nebuhkadneza gaw Yerusalem mare na amyu masha ni yawng hpe mung, hkawhkam htingnu du salang ni yawng hpe mung, woi awn ai masha ni yawng ngu na yawng hpawn mun mi hpe bawng masha hku rim woi mat wa wu ai. Shi gaw kung kyang ai bungli galaw masha ni yawng ngu na ndup dup ai ni lawm hkra woi mat wa wu ai; Yuda mung e chyawm gaw matsan dik htum ai amyu masha ni hpe sha tawn kau da wu ai.

2 HKAWHKAM 25:11

Dai hpang Nebuzaradan gaw dai mare hta ngam nga ai amyu masha ni, kung kyang ai amu galaw masha ni hte Babelon masha ni hpang de rap sa wa na ni hpe Babelon mung de woi mat wa wu ai.

2 HKAWHKAM LABAU 36:10

Ya ginhtawng ta bai du jang, Nebuhkadneza gaw Yehoiahkin hpe bawng rim la nna Nawku Htingnu na sut gan arung arai ni hte hpawn, Babelon mung de woi wa wu ai. Dai hpang Nebuhkadneza gaw Yehoiahkin a kawa toi rai nga ai Zedekia hpe Yuda mung hte Yerusalem a hkawhkam shatai da wu ai.

2 HKAWHKAM LABAU 36:20

Shi gaw naw hkrung nga ai ni yawng hpe Babelon mung de woi wa ai rai nna shanhte gaw shi hte shi a amyu matu mara ni hpe Persi mungdan a daru magam n-gun rawt wa ai aten du hkra, mayam amu galaw let daw jau nga ma ai.

ESAIA 13:1

Ndai gaw Amot a kasha Esaia, Karai Kasang kaw na lu la ai Babelon hte seng ai mungga rai nga ai.

YEREMIA 39:9

Hpang jahtum, hpyen luksuk ni a hpyen du Nebuzaradan gaw mare hta naw ngam nga ai amyu masha ni hte shi hpang maga de lata sharawt shang wa ai masha ni hte hpawn, Babelon mung de bawng rim mat wa ma ai.

Daniela 1:2

Madu gaw Hkawhkam Yehoiakim hpe rim la shangun nna, Nawku Htingnu na sut rai nkau mi hpe mazing la shangun wu ai. Shi hte rau bawng masha nkau mi hpe Babelon mung na shi a karai ni a htingnu de woi wa nhtawm lu mazing la ai sut rai ni hpe htingnu sut gawk ni hta tawn da wu ai.

MAHTE 1:12

Babelon mare de bawng dung na matu Israela amyu masha ni hpe rim woi mat wa ai hpang e, Yehkonia gaw Salahtila hpe shaprat wu ai. Salahtila a kasha gaw Zerubabela;

MAHTE 1:17

Shing rai, Abraham a prat kaw nna Dawi prat du hkra; ahtik labau shi mali; bai, Dawi a prat kaw nna Babelon e bawng dung nga ai prat du hkra ahtik labau shi mali; bai, Babelon e bawng dung nga ai kaw nna Meshia shangai wa ai ten du hkra ahtik labau shi mali rai nga ai.