LUKA 9:51 - Jinghpaw Common Language Bible 2009

⁵¹ Ya Yesu hpe lamu de shalun la na nhtoi du wa magang yang, Yerusalem mare de sa wa na matu myit daw dan da wu ai.

Jinghpaw Hanson Version Bible

⁵¹ Ya shi hpe shalun la na nhtoi du wa magang yang, Yerusalem mare de sa na shi myit dingren di da wu ai rai nna, shi a shawng de kasa shangun dat wu ai.

LUKA 9:51 ပူးပေါင်းရင်းမြစ်များ

2 HKAWHKAM 2:11

Shan lahkawng tsun chyai let naw hkawm nga ma yang, wan gumra ni garawt ai wan leng gaw shan a lapran e akajawng sha pru wa nhtawm Elia gaw bungsha hte sumsing lamu de lung mat wa wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

LUKA 12:50

Ngai hkam la na hkalup langai mi naw nga ai; dai garai n hkam hkam gaw, ngai nachying myit nni nkri hkrum nga nngai.

LUKA 13:22

Bai Yesu gaw, mare kahtawng langai hte langai de shang nna, masha ni hpe sharin shaga let, Yerusalem de lai sa wa ai.

LUKA 17:11

Ya Yesu gaw Yerusalem mare de sa wa nga yang, shi gaw Samari mung hte Galile mung yan a ga jarit hku ga sa wa ai.

LUKA 18:31

Yesu gaw sape shi lahkawng hte hpe shaga la nna, “Madat mu! Anhte Yerusalem mare de lung wa nga ga ai; Masha Kasha a lam myihtoi ni ka da mada gaw, dai kaw dik wa na ra ai.

LUKA 19:11

Dai lam ni hpe masha ni madat nga ma yang, Yesu gaw shanhte hpe ga shadawn langai mi hte tsun wu ai. Yesu gaw Yerusalem mare de du na ni sai majaw mung, Karai Kasang a Mungdan gaw alawan dan pru magang ra ai nga nna myit sawn la shajang nga ma ai.

LUKA 19:28

Dai lam hpe tsun ngut jang, shanhte a shawng e Yerusalem mare de lung wa ai.

LUKA 24:51

Shing rai shanhte hpe shaman ya nga yang, shi shanhte kaw na hka mat wa nna sumsing lamu de woi shalun la ai hkrum wu ai.

LUKA 9:57

Shanhte lam e sa wa nga ma yang, masha langai mi gaw, “Nang sa ai shara shagu de, ngai nang kaw hkan sa na nngai,” ngu nna Yesu hpe tsun wu ai.

YAWHAN 13:1

Ya, aten gaw Shalai wa ai Poi nhtoi a shawng shani e rai nga ai. Yesu gaw ndai mungkan ga na pru nna, shi a Kawa hpang de wa na matu ahkying du wa sai hpe chye wu ai. Shi gaw ndai mungkan ga e nga ai shi a masha ni hpe galoi mung a tsaw ra nga mu ai rai nna, jahtum nhtoi du hkra shanhte hpe tsaw ra mu ai.

YAWHAN 16:28

Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.

YAWHAN 16:5

Rai ti mung ya chyawm gaw, ngai hpe shangun dat ai wa hpang de wa na ni ai; dai rai yang, ngai gade wa na lam, nanhte hta na kadai mung ngai hpe n san yu myit dai.

YAWHAN 17:11

Ngai gaw nang hpang de wa na rai nna, ndai mungkan ga e nga sana n rai; rai ti mung ndai ni chyawm gaw mungkan ga e nga nga na rai ma ai. Chyoi Pra ai Wa e an gaw langai sha rai nga ai zawn, ndai ni mung rai nga mu ga; nang ngai hpe ap ya ai mying nsang a hpung shingkang n-gun atsam hte shanhte hpe shim hkra bau sin nga u.

YAWHAN 6:62

Dai Masha Kasha gaw mi shawng de shi nga ai shara de bai lung wa ai hpe nanhte mu myit yang gaw, kaning nga na myit ta?

KASA 1:2

sumsing lamu de shalun la hkrum ai shani du hkra, galaw dan ai hte sharin shaga wa ai lam yawng mayawng a lam shawng na laika hta ngai ka hpajang da se ai. Yesu gaw sumsing lamu de shalun la ai garai n hkrum yang, shi a lata la ai kasa ni hpe Chyoi Pra ai Wenyi a atsam hte matsun hkang da mu ai.

KASA 1:9

Ning nga ai ga tsun ngut ai hpang, shanhte shi hpe yu nga yang, shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

EHPESU 1:20

Anhte hta amu galaw nga ai dai n-gun atsam chyawm gaw Hkristu hpe si mat ai kaw na sharawt la nna sumsing lamu e Karai Kasang a hkra maga hta dung nga shangun ai shaloi jai lang ai n- gun chyalai rawng ai atsam nan rai nga ai.

HPILIPI 3:14

Dai rai nna ngai gaw dai kumhpa hpe lu la na matu bandung du hkra shachyut nngai. Dai kumhpa gaw lahta tang e asak hkrung lu u ga, Hkristu Yesu a marang e Karai Kasang a shaga la ai lam rai nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 6:20

Yesu gaw anhte a malai dai shara e anhte a shawng e du shang nga sai rai nna Melhkizedek a hkringhtawng lam hku htani htana hkinjawng agyi kaba tai wa sai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.