LUKA 9:44 - Jinghpaw Common Language Bible 2009

⁴⁴ “Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

Jinghpaw Hanson Version Bible

⁴⁴ “Dai Masha Kasha gaw masha ni a lata de ap kau ai hkrum na ra ai, ga ndai hpe nanhte a na hta madat gun da mu,” ngu nna sape ni hpe tsun mu ai.

LUKA 9:44 ပူးပေါင်းရင်းမြစ်များ

2 SAMUELA 24:14

Dawi gaw, “Ngai myit ru nga ai aten rai nga ai law! Rai ti mung masha ni ari jaw ai hku ngai n ra sharawng nngai; dai Madu shi nan mahtang anhte hpe ari jaw ai wa rai u ga, hpa majaw nga yang shi gaw matsan dum ai wa rai nga ai,” ngu nna htan wu ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 26:2

“Lahkawng ya lai jang, dai Shalai wa ai Poi du na ra ai, nanhte chye nga myit dai rai nna, Masha Kasha hpe wudang hta e jen da na matu ap kau ai hkrum na ra ai,” ngu mu ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 9:31

Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

LUKA 1:66

Dai shiga na ai masha shagu mung, tinang a kraw kata e dai hpe myit sumru yu nna, “Ndai ma gaw, kaning re ai wa rai na ra ai i?,” nga ma ai, kaning rai nme law, dai Madu a n'gun atsam gaw shi a ntsa e nga nga ai lam dan leng nga ai.

LUKA 18:31

Yesu gaw sape shi lahkawng hte hpe shaga la nna, “Madat mu! Anhte Yerusalem mare de lung wa nga ga ai; Masha Kasha a lam myihtoi ni ka da mada gaw, dai kaw dik wa na ra ai.

LUKA 2:19

Mari chyawm gaw dai lam yawng mayawng matsing gun la nna, shi kraw kata e aru yu nga ai.

LUKA 2:51

Shi chyawm gaw shan hte rau Nazaret mare de bai wa nna shan hpe madat mara let nga nga ai, Shi a kanu gaw ndai lam ni mahkra hpe shi kraw hta matsing da wu ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 9:22

Shi shanhte hpe bai tsun mu ai gaw, “Dai Masha Kasha gaw, nni nkri law law wa hkrum nna, agyi salang ni, hkinjawng agyi ni, tara sara ni e nyet kau ai hkrum na hte, sat kau ai hkrum na ra ai; rai ti mung, masum ya nhtoi hta hkrung sharawt la ai hkrum na rai nga ai,” nga ai.

YAWHAN 16:31

Yesu gaw, “Nanhte ya kam manit ni?

YAWHAN 16:4

Rai ti mung shanhte a matu ndai lam ni galaw na nhtoi du wa ai shaloi nanhte bai dum lu myit ga ngu nna ga ndai ngai nanhte hpe tsun tawn da ni ai. “Shawng de gaw ngai nanhte hte rau naw nga nga nngai majaw, ngai nanhte hpe dai lam ni n tsun yu nngai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.