LUKA 9:43 - Jinghpaw Common Language Bible 2009

⁴³ Masha nga manga hte mung, Karai Kasang a daru magam n-gun a majaw mau mahka nga ma ai. Shing rai Yesu galaw ai lam mahkra a majaw, masha ni naw mau nga ma yang, shi gaw shi a sape ni hpe,

Jinghpaw Hanson Version Bible

⁴³ Nga manga hte mung Karai Kasang a daru magam nsam majaw mau mahka nga ma ai. Shing rai shi galaw ai amu mahkra a majaw, nlang hte gaw mau nga ma yang, shi gaw,

LUKA 9:43 ပူးပေါင်းရင်းမြစ်များ

SHAKAWN KUNGDAWN 139:14

Nang gaw hkrit hkungga mai ai Madu rai nga ndai majaw, ngai nang hpe shakawn kungdawn nga nngai. Nang galaw ai lam yawng mayawng mung laklai ai mauhpa amu ni rai nga ai hpe nye a myit masin mahkra hte chye nga nngai.

ZEHKARIA 8:6

“Dai gaw ya naw ngam nga ai masha amyu baw a matu n mai byin ai zawn rai nga ti mung nye a matu chyawm gaw mai byin nga ai.

MAHTE 17:22

Ya, Galile mung hta shanhte yawng wa zup ma yang, Yesu gaw, “Dai Masha Kasha hpe masha ni a lata hta ap kau ai hkrum na ten ni magang wa ra ai.

MARKU 6:51

Dai hpang dai li de, shi shanhte kaw shang nna dai nbung num mat wa ai, Sape ni nachying wa mau mahka nga ma ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let, Yesu kaw hkan nang wu ai. Dai byin ai lam hpe mu ai ni yawng, Karai Kasang hpe shakawn kungdawn nga ma ai.

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

LUKA 5:26

Yawng mayawng gaw, grai wa mau mahka nga nna, hkrit la ai hte Karai Kasang hpe shakawn kungdawn let, “Dai ni anhte mauhpa amu ni mu lu sagaw ai,” nga nna tsun ma ai.

LUKA 5:9

Kaning rai nme law, shanhte nga law law magawn la lu ai majaw, shi hte shi kaw hkan nang ai ni yawng mau mahka mat ma ai.

LUKA 8:25

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.