LUKA 9:41 - Jinghpaw Common Language Bible 2009

⁴¹ Yesu gaw, “Makam masham n rawng ai hte, shut hpyit ai amyu ni e, ngai nanhte hte rau gade na hkra nga nga nna hkam sharang ya lu na rai nga a ta?,” ngu nna htan wu ai. Dai hpang shi gaw, “Na nsha hpe nang de woi sa rit,” ngu nna dai masha wa hpe tsun wu ai.

Jinghpaw Hanson Version Bible

⁴¹ Dai rai nna Yesu gaw, “Makam masham n rawng ai hte nhtan shai ai amyu e, ngai nanhte hte rau gaten du hkra nga nna, sharang ya lu na rai nga a ta? na nsha hpe nang de woi sa rit,” ngu nna htan wu ai.

LUKA 9:41 ပူးပေါင်းရင်းမြစ်များ

2 HKAWHKAM 5:8

Shing rai byin ai lam hpe myihtoi Elisha na jang, hkawhkam wa hpang de ning nga nna ga htet dat wu ai: “Nang hpa majaw dai daram wa myit ru nga n ni? Dai wa hpe ngai hpang de shangun dat ru; Israela mung e myihtoi langai nga ai lam ngai shi hpe madun dan na we ai!”

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

PRU MAT 16:28

Dai hpang, dai Madu gaw Mawshe hpe, “Nanhte gaw galoi du hkra nye a hkang da ai tara ni hpe n hkan ai nga nga na ngu nga myit ta?

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

BU HKAWM 14:11

Dai Madu gaw Mawshe hpe, “Ndai amyu masha ni galoi aten du hkra ngai hpe n hkap la na rai ma ta? Shanhte hpe ngai galaw dan sai mauhpa lamik kumla law law hpe mu nga ninglen ngai hpe kam sham na matu galoi aten du hkra shanhte ningdang nga na rai ma ta?

BU HKAWM 14:27

“Ndai n hkru ai amyu masha ni galoi aten du hkra ngai hpe aput shatsang na rai nga ma ta? Dai zawn nga ai aput angun ga ni hpe ngai na jin ni ai!

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 12:39

Yesu gaw htan let shanhte hpe tsun mu ai gaw, “N hkru ai hte shut hpyit ai amyu gaw lamik kumla tam ma ai; myihtoi Yona a lamik kumla hta kaga; hpa lamik kumla mung; shanhte hpe n dan na nme ai.

MAHTE 12:45

Shaloi shi nhtang sa nna, shi hta grau n hkru ai nat sanit hpe shaga wa nhtawm shanhte shang nna dai yang e arawng nga ma ai; dai rai nna, dai masha a nsam gaw, shawng na hta grau ru wa lu ai. Dai hte maren ndai prat na n hkru ai amyu hta byin wa na ra ai,” ngu mu ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MAHTE 23:36

Nanhte hpe ngai kaja wa tsun made ga, dai masha sat ai lam ni yawng a matu ndai prat na masha ni a ntsa e ari du na ra ai!

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

MARKU 10:14

Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru, shanhte hpe hkum jahkring shingdang da myit, hpa majaw nga yang, Karai Kasang a mungdan gaw, dai zawn re ai ni a mungdan rai nga ai.

MARKU 10:49

Yesu gaw hkring tsap let, “Shi hpe shaga wa marit,” ngu mu ai. Dai rai nna shanhte gaw dai myi kyaw ai wa hpe shaga wa mu ai. Shanhte gaw, “Myit pyaw kabu nga nu! Rawt u, Shi nang hpe shaga nga ai,” ngu mu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 8:25

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.

LUKA 9:40

Dai nat shaden kau ya na matu, na a sape ni hpe ngai hpyi nem nngai, rai ti mung shanhte n galaw lu ma ai,” ngu wu ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.

YAWHAN 14:9

Yesu gaw, “Hpilip e, ngai nanhte hte nde nlaw na hkra nga nga sati mung, nang ngai hpe n chye n ni? Ngai hpe mu yu ai wa gaw, Wa hpe mu yu nu ai; dai re ai mi, ‘Wa hpe anhte e madun dan mi,’ nga nna hpa rai tsun n ta?

YAWHAN 20:27

Shaloi Yesu gaw Htawma hpe, “Na a layung nang e shawn yu nna, nye a lata ni hpe yu u; na a lata ladawn nna, nye a garep hpe mung manaw yu u; n kam hkum rai et, kam sham nga u!,” ngu wu ai.

KASA 13:18

shaning mali shi ning tup nam mali hkan e shanhte a akyang hpe hkam sharang ya mu ai.

KASA 2:40

Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

HEBRE 3:19

Shanhte n kam n sham ma ai majaw dai mung de n shang lu ma ai hpe anhte mu chye lu ga ai.

HEBRE 4:11

Dai rai nna shanhte a n kam n sham ai a majaw ban sa ai de n shang lu ai Israela masha ni zawn anhte kadai hta mung n byin u ga, dai ban sa ai de shang lu na matu anhte atsam htum hkra shakut shaja nga ga.

HEBRE 4:2

Hpa majaw nga yang, anhte gaw moi shawng de na masha ni hte maren, dai Kabu Gara Shiga hpe na yu saga ai. Rai ti mung shanhte na lu ai Kabu Gara Shiga gaw, shanhte a matu akyu n nga malu ai, hpa majaw nga yang, shanhte na la ai shaloi shanhte dai hpe makam masham hte n hkap la ma ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.