LUKA 9:38 - Jinghpaw Common Language Bible 2009

³⁸ Shaloi, dai shawa hpawng hta na masha langai mi jahtau nna, “Sara e, nye a shadang sha hpe yu ya na, ngai nang hpe hpyi nem nngai. Shi gaw nye a shadang sha shingtai rai li ai.

Jinghpaw Hanson Version Bible

³⁸ Shaloi, yu mu, dai shawa hpawng hta nang ai marai langai mi jahtau nna, “Sara e, ngai sha hpe yu ya na, ngai nang hpe hpyi nngai; shi gaw ngai sha shingtai sha rai li ai:

LUKA 9:38 ပူးပေါင်းရင်းမြစ်များ

NINGPAWT NINGHPANG 44:20

Anhte mung, ‘Kawa dingla lu ga ai; shi dingla wa sayang she shangai wa ai anhte a kanau hpungdim mung naw nga ai. Dai ma a kahpu chyawm gaw si mat sai rai nna shi a kanu hta na shi hkrai sha hkrung nga sai majaw shi a kawa shi hpe nachying wa tsaw ra nga ai,’ ngu nna htan ma ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

LUKA 9:37

Hpang shani Yesu hte sape ni marai masum gaw dai bum kaw nna yu wa ma yang, shawa masha hpawng kaba, Yesu hpe sa bawp la ma ai.

LUKA 9:39

Shi hta nat shung nna, akajawng sha shabam wa ai hte, hkumbawp pru hkra shi hpe bu shangun nna, machyi la hkra shatsang ngut jang she, grai yak la ai hte shi kaw na pru mat wa wa re ai.

YAWHAN 4:47

Dai du wa gaw Yuda mung na Galile mung de Madu Yesu du sa wa ai lam na wu yang, shi hpang de sa nhtawm, machyi nna si wa magang nga ai shi a kasha hpe Kaperna-um mare de sa nna shamai ya na hpyi nem wu ai.