LUKA 9:32 - Jinghpaw Common Language Bible 2009

³² Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

Jinghpaw Hanson Version Bible

³² Petru hte shi hte rau nga ai yan gaw yup shamwi nga ma ai: rai timung, dum hprang mat ma jang, shi a hpung shingkang hte shi hte rau tsap nga ai yan hpe shanhte mu ma ai.

LUKA 9:32 ပူးပေါင်းရင်းမြစ်များ

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

Daniela 10:9

Ngai gaw shi a nsen hpe na ai shaloi, ngai gaw n dum mat hkra ga e kadawng taw mat ai hte dai yang e gum dagup nga nngai.

Daniela 8:18

Shi ga shaga nga yang, ngai gaw ga e kadawng taw mat nna, n dum mat nngai. Rai ti mung shi ngai hpe sa jum nna rawt tsap shangun let,

MARKU 14:40

Dai hpang sape ni hpang de bai nhtang wa yang, shanhte a myi ni yup shamwi ai a majaw, shanhte naw yup pyaw nga ma ai hpe shi mu wu ai. Shanhte gaw shi hpe kaning ngu htan na mung n chye ma ai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.