LUKA 9:3 - Jinghpaw Common Language Bible 2009

³ Shi shanhte hpe, “Hkrun lam na matu, dawhkrawng, htingpa, malu masha, gumhpraw re ai ni hpa mung hkum gun, hkum lang myit, palawng lahkawng mung hkum gun myit.

Jinghpaw Hanson Version Bible

³ Shi shanhte hpe, “Hkrun lam na matu dawhkrawng, htingpa, muk, gumhpraw re ai hpa mung hkum gun hkum lang myit; palawng lahkawng mung hkum gun myit.

LUKA 9:3 ပူးပေါင်းရင်းမြစ်များ

SHAKAWN KUNGDAWN 37:3

Dai Madu hta kam hpa nga let mai kaja ai amu hpe galaw nga u; dai lamu ga hta shanu nga nna shim nga u.

MARKU 6:7

Shaloi dai sape shi lahkawng hte hpe shi shaga la nhtawm, marai lahkawng yep yep di nna shangun dat mu ai. N seng ai nat ni hpe dang kau lu na ahkang shi shanhte hpe jaw mu ai.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 12:28

Ai n kam ai baw e, dai ni nga nna hpawt de wan mang hta kabai bang nna nat kau ai nam na tsingdu ni hpe Karai Kasang shing rai shabu jahpun da ai rai yang gaw, dai hta n ga nanhte yawng hpe jahpun na myit dai n rai ni?

LUKA 22:35

Dai hpang Yesu gaw shi a sape ni hpe tsun mu ai gaw, “Gumhpraw sumbu, nhpye, hkyepdin n gun n lang ai sha, ngai nanhte hpe shangun dat ai shaloi, nanhte hta lama ma ra kadawn ai lam nga malit ni?,” ngu nna san mu yang, “Hpa mung n ra ga ai,” ngu mu ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

LUKA 5:29

Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

LUKA 9:4

Gara nta hta rai rai nanhte hpe hkap la ai nta kaw shang nna, dai mare na pru wa ai ten du hkra nga nga mu.

2 TIMOHTI 2:4

Hpyen magam bungli gun hpai taw nga ai hpyen ma langai mi gaw, shi a ntsa na duwa hpe myit ra sharawng awng hkra galaw mayu ai majaw hpyen hte n seng ai mung masha lam hta n hkan ginchya nga ai.