LUKA 9:22 - Jinghpaw Common Language Bible 2009

²² Shi shanhte hpe bai tsun mu ai gaw, “Dai Masha Kasha gaw, nni nkri law law wa hkrum nna, agyi salang ni, hkinjawng agyi ni, tara sara ni e nyet kau ai hkrum na hte, sat kau ai hkrum na ra ai; rai ti mung, masum ya nhtoi hta hkrung sharawt la ai hkrum na rai nga ai,” nga ai.

Jinghpaw Hanson Version Bible

²² kaning rai nme law, “Dai Masha Kasha gaw nni nkri law law wa hkrum nna, agyi salang ni, hkinjawng agyi ni, laika ka ai sara ni e nyet kau ai hkrum na hte sat kau ai hkrum nhtawm, masum ya nhtoi hta sharawt la ai hkrum na rai nga ai,” nga ai.

LUKA 9:22 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 17:12

Rai ti mung, ngai nanhte hpe tsun made ai gaw, Elia du boi sai rai nna shanhte shi hpe n chye mu ai majaw, shanhte myit ra ai hte maren di kau manu ai. Dai Masha Kasha mung, shanhte a lata hta dai hte maren nni nkri hkrum na ra ai,” ngu mu ai.

MAHTE 17:22

Ya, Galile mung hta shanhte yawng wa zup ma yang, Yesu gaw, “Dai Masha Kasha hpe masha ni a lata hta ap kau ai hkrum na ten ni magang wa ra ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

MARKU 9:31

Hpa majaw nga yang, “Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya da mu ai.

LUKA 17:25

Rai ti mung, dai garai n byin yang, shawng nnan shi gaw nni nkri law law hte, ndai prat na masha ni e nyet ndang kau ai naw hkrum na rai nga ai.

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 24:7

Masha Kasha gaw Yubak kap ai ni a lata de ap kau ai hkrum nna, wudang hta jen da ai hkrum ngut jang, masum ya nhtoi hta bai hkrung rawt wa na ra ai lam nanhte e tsun da ai ga hpe myit dum mu,’” ngu nna shanhte hpe tsun mu ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

1 KORINHTU 15:4

lup makoi ai shi hkrum nhtawm, Chyum Laika ni tsun ai hte maren, masum ya nhtoi hta e bai hkrung rawt wa sai lam;

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.