LUKA 9:20 - Jinghpaw Common Language Bible 2009

²⁰ Shi gaw, “Nanhte gaw gara hku rai ta? Nanhte mahtang ngai hpe kadai wa re ai nga nga myit ta?,” ngu nna shanhte hpe san mu ai. Petru gaw, “Nang gaw Karai Kasang a Meshia rai nga ndai,” ngu nna htan wu ai.

Jinghpaw Hanson Version Bible

²⁰ Bai, Shi gaw, nanhte mahtang ngai hpe kadai wa re ai nga myit ta? ngu nna shanhte hpe tsun mu ai. Shaloi Petru gaw, Karai Kasang a Hkristu wa nang rai nga ndai, ngu nna htan wu ai.

LUKA 9:20 ပူးပေါင်းရင်းမြစ်များ

MAHTE 22:42

“Nanhte gaw Meshia a lam kaning ngu myit nga myit ta? Shi gaw gade a kasha rai nga a ta?,” ngu nna san mu ai. Shanhte gaw, “Dawi a Kasha rai nga ai,” ngu mu ai.

MAHTE 26:63

Yesu mahtang atsin sha nga nga ai. Bai Hkinjawng Agyi Kaba wa gaw, “Nang gaw Karai Kasang a Kasha ngu ai Meshia rai nga ndai kun? Anhte hpe tsun dan mi ga, ngu nna ahkrung nga ai Karai Kasang a mying nsang hta ya ngai nang hpe dagam da de ai,” ngu nna shi hpe tsun wu ai.

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

MARKU 14:61

Rai ti mung Yesu gaw atsin sha nga nna ga hkaw mi mung n htan wu ai. Bai Hkinjawng Agyi Kaba wa gaw, “A lu ai Karai Kasang a Kasha, Meshia nang rai nga n ni?,” ngu nna shi hpe san wu ai.

MARKU 8:29

Dai shaloi Yesu gaw, shanhte hpe, “Nanhte mahtang ngai hpe kadai wa re ai, nga nga myit ni?,” ngu nna san mu ai. Petru gaw, “Nang gaw Meshia rai nga ndai,” ngu nna htan wu ai.

LUKA 22:67

“Nang gaw Meshia rai nga n ni? Anhte hpe tsun dan mi,” ngu mu ai. Yesu gaw, “Ngai tsun timung nanhte kam na myit dai n rai.

LUKA 9:19

Shanhte gaw, “Nkau mi Hkalup Sara Yawhan re ai nga nna tsun ma ai; nkau mi Elia; nkau mi gaw moi shawng de na myihtoi langai ngai bai hkrung rawt ai rai nga ai, nga shajang ma ai,” ngu nna htan mu ai.

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 1:49

Nahtanela gaw, “Sara e, nang gaw Karai Kasang a Kasha rai nga ndai,” ngu nna shi hpe htan wu ai.

YAWHAN 11:27

Shaloi Marhta gaw, “Rai sa, Madu e, nang gaw ndai mungkan ga de du sa na ra ai Meshia ngu ai Karai Kasang a Kasha rai nga ndai hpe ngai kam nga nngai,” ngu nna htan wu ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

YAWHAN 4:42

Dai masha ni gaw, dai num sha hpe, “Ya gaw na a ga majaw sha kam sham ai n rai saga ai, shi a mungga hpe anhte nan na la lu nna, ndai wa gaw mungkan ga a hkye hkrang la ai Madu majing rai nga ai hpe anhte chye saga ai,” ngu mu ai.

YAWHAN 7:41

Bai nkau mi gaw, “Ndai wa gaw Hkristu nan rai nga ai,” nga ma ai. Rai ti mung nkau mi gaw, “Ataw, Hkristu wa mi Galile mung na pru wa a ni?

KASA 17:3

Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 8:36

Shing rai shan hkawm sa wa ma yang hka nga ai shara langai mi kaw du jang dai du wa gaw, “Yu u, nang e hka nga nga ai; ngai hkalup hkam na hpa hkum shara nga a ta?,” ngu wu ai.

KASA 9:22

Rai ti mung, Shawlu a hkaw tsun ai lam grau nna n-gun atsam rawng wa ai hte Yesu gaw Meshia rai nga ai lam sakse ni pra pra madun dan ai majaw Damasku e nga ai Yuda ni shi hpe ga bai n htan lu ma ai.

1 YAWHAN 5:1

Yesu gaw Meshia rai nga ai nga nna kam sham ai wa kadai rai ti mung, Karai Kasang a kashu kasha rai nga ai rai nna dai kawa hpe tsaw ra ai wa kadai rai ti mung, kasha wa hpe mung tsaw ra wu ai.