LUKA 9:19 - Jinghpaw Common Language Bible 2009

¹⁹ Shanhte gaw, “Nkau mi Hkalup Sara Yawhan re ai nga nna tsun ma ai; nkau mi Elia; nkau mi gaw moi shawng de na myihtoi langai ngai bai hkrung rawt ai rai nga ai, nga shajang ma ai,” ngu nna htan mu ai.

Jinghpaw Hanson Version Bible

¹⁹ Shanhte gaw, Baptisma Sara Yawhan, nkau mi gaw, Elia, nkau mi gaw, shawng na myihtoi langai ngai bai hkrung rawt ai, rai nga ai, nga shajang ma ai,” ngu nna htan mu ai.

LUKA 9:19 ပူးပေါင်းရင်းမြစ်များ

MALAHKI 4:5

“Rai ti mung galu kaba ai hte hkrithpa re ai dai Madu a nhtoi garai n du yang, ngai nanhte hpang de myihtoi Elia hpe shangun dat na nngai.

MAHTE 14:2

“Ndai wa gaw Hkalup Sara Yawhan bai hkrung wa ai nan rai nga ai. Dai majaw shi mauhpa lamik kumla amu ni hpe galaw na atsam lu nga ai,” ngu nna shi a npu na du salang ni hpe tsun mu ai.

MAHTE 3:1

Dai ladaw a laman e, Hkalup sara Yawhan paw pru nna, Yuda nam mali hkan e,

MARKU 6:14

Yesu a lam shiga shara shagu dan hkung chyam bra wa ai rai nna Herod hkawhkam gaw dai lam mahkra hpe na lu wu ai. Masha nkau mi gaw, Yesu hpe, “Hkalup Sara Yawhan si ai kaw na bai hkrung rawt wa ai wa re! Dai majaw she shi gaw lamik kumla ni hpe galaw lu nga ai,” nga nna tsun ma ai.

MARKU 6:15

Kaga ni mahtang, “Shi gaw Elia rai nga ai, bai kaga ni gaw, moi na myihtoi langai mi zawn, myihtoi bai paw pru ra ai,” nga shajang ma ai.

LUKA 9:18

Lang mi na Yesu shi hkrai akyu hpyi nga yang, sape ni shi hpang de sa du ma ai. Shaloi shi shanhte hpe, “Shawa masha ni ngai hpe kadai wa re ai nga nga ma ta?,” ngu nna san yu mu ai.

LUKA 9:20

Shi gaw, “Nanhte gaw gara hku rai ta? Nanhte mahtang ngai hpe kadai wa re ai nga nga myit ta?,” ngu nna shanhte hpe san mu ai. Petru gaw, “Nang gaw Karai Kasang a Meshia rai nga ndai,” ngu nna htan wu ai.

YAWHAN 1:21

Shaloi shanhte gaw, “Dai rai yang gaw nang kadai rai n ta? Nang Elia rai n ni?,” ngu nna bai san mu yang, “N rai nngai,” ngu nna bai htan wu ai. “Dai myihtoi rai n ni?,” ngu nna bai san mu yang “N rai nngai,” ngu nna bai htan wu ai.

YAWHAN 1:25

Bai shanhte gaw, “Nang gaw Meshia mung n rai, Elia mung n rai, dai myihtoi wa mung n rai yang gaw, nang hpa rai hkalup jaw n ta?,” ngu nna shi hpe san mu ai.

YAWHAN 7:40

Shi shing nga tsun ai ga na ma yang, shawa masha ni hta na nkau mi gaw, “Ndai wa gaw kaja wa myihtoi rai nga ai,” nga ma ai.

YAWHAN 9:17

Dai rai nna Hparishe ni gaw, myi n mu ai kaw na myi bai mu lu ai masha wa hpe na a myi bai mu shangun ai wa gaw, kaning re ai wa re ai ngu da wu ta?,” ngu nna kalang mi bai san mu ai. Dai wa gaw, “Myihtoi langai mi rai nga ai,” ngu nna bai htan mu ai.