LUKA 9:12 - Jinghpaw Common Language Bible 2009

¹² Ya jan du wa magang nga ai; dai rai nna sape shi lahkawng gaw Madu kaw sit sa nna, “Dai shawa masha ni hpe grup yin hkan na kahtawng ni hte yi, sun hkauna wa hkan e yup nna lusha tam sha mu ga, shabawn dat u, hpa majaw nga yang, ndai shara gaw masha hte tsan ai shara she rai nga ai,” ngu nna shi hpe tsun mu ai.

Jinghpaw Hanson Version Bible

¹² Ya jan du wa magang nga ai: dai rai nna sape shi lahkawng gaw sit sa nhtawm, “Dai shawa masha ni hpe grup yin hkan na kahtawng ni hte htinghkrai hkan e wa yup nna lusha tam sha mu ga, shabawn dat u: anhte gaw ya nam e she rai nga ga ai,” ngu nna shi hpe tsun mu ai.

LUKA 9:12 ပူးပေါင်းရင်းမြစ်များ

EZEKELA 34:25

Ngai gaw shanhte a shim lum lam jaw ya lu ai ga shaka shanhte hte shagrin da na nngai. Mungdan kata na hkrit tsang ra ai matse labye ni hpe mung yeng seng kau na nngai, shaloi nye a sagu ni pa layang ni hta shim ai hte shanu nga lu nna maling kata hkan e mung yup nga lu na mara ai.

HOSEA 13:5

Ngai gaw nanhte hpe hkun hkraw ai nam mali kata e bau maka wa ni ai.

MAHTE 14:13

Yesu gaw Yawhan a lam shiga na jang, li jawn let dai yang kaw na pru mat wa nhtawm, shingran katsi ai shara de lagyim sa mat wa ai. Shawa masha ni dai na mu yang, shanhte gaw tinang a mare ni kaw na pru nna shi a hpang de hkarang hku hkan nang ma ai.

MAHTE 15:23

Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa nna, “Shi hpe shabawn kau u; shi anhte a hpang e hkan nang nna marawn jahtau bu nga ai,” ngu nna shadut mu ai.

MAHTE 15:32

Shaloi Yesu gaw shi a sape ni hpe shaga la nna, “Ndai masha hpung ni hpe ngai matsan dum nga nngai: Ya masum ya tup shanhte ngai hte rau nga nga masai rai nna, shahpa mung n nga ma salu ai; lam hkan e hku gwi n hkrum mu ga, kawsi nga ma yang, ngai shanhte hpe n shabawn dat mayu nngai,” ngu mu ai.

LUKA 9:11

Shawa masha ni mung dai hpe hkan chye jang, shi hpang de hkan sa ma ai rai nna, shanhte hpe hkap la nhtawm, Karai Kasang a Mungdan lam hkaw dan let machyi mai mayu ai ni hpe shamai ya mu ai.

LUKA 9:13

Rai ti mung, Yesu gaw, “Nanhte nan shanhte hpe sha na lama ma jaw mu,” ngu nna tsun mu ai. Shanhte gaw, “Anhte kaw muk tawng manga hte nga lahkawng hta kaga hpa mung n nga ai. Ndai shawa masha mahkra ting a matu, anhte hpe lusha sa mari shangun mayu nga n ni?,” ngu mu ai.

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,