LUKA 8:8 - Jinghpaw Common Language Bible 2009

⁸ Nkau mi gaw ga sau kaja ai ga hta hkrat ai rai nna, tu kaba wa jang, htam latsa si mayat wa ai,” ngu wu ai. Shing rai Yesu gaw, “Na la na na tu ai wa gaw na la u ga!” nga nna jahtau tsun ai hte ga hpungdim wu ai.

Jinghpaw Hanson Version Bible

⁸ Nkau mi gaw ga kaja hta hkrat ai rai nna, tu kaba wa jang, htam latsa si mayat wa ai, ngu wu ai: shi shing nga tsun ai ninglen, Na la na, na tu ai wa gaw, na la u ga, nga nna jahtau wu ai.

LUKA 8:8 ပူးပေါင်းရင်းမြစ်များ

NINGPAWT NINGHPANG 26:12

Dai Madu gaw Isak hpe shaman ya wu ai majaw, dai mung e shi yi galaw wu yang shawoi shi galaw yu sai shaning ni hta dai shaning e htam latsa grau nna shu la wu ai.

GA SHAGAWP 20:12

Dai Madu gaw anhte hpe mu lu na myi hpe mung, na lu na na hpe mung jaw ya mani ai.

GA SHAGAWP 8:1

Madat mu! Hpaji byeng-ya gaw shaga nga ai. Myit sawn dinglik yu ai lam gaw shi hpe na lu hkra, galaw nga ai.

YEREMIA 13:15

Israela amyu masha ni e, dai Madu ga tsun nu ai! Shagrit shanem ai hte shi a ga hpe madat mu.

YEREMIA 25:4

Dai Madu gaw shi a shangun ma ni rai nga ai myihtoi ni hpe nang hpang de matut shangun dat ti mung, nang gaw n madat n mara ai hte hpa zawn n nawn kau ya nga ndai.

MAHTE 11:15

Na tu ai wa gaw na la u ga!

MAHTE 13:23

Ga kaja hta gat ai nli tum ni chyawm gaw, dai mungga hpe na la nna, chye na hkap la ai ni hpe ngu ai rai nga ai. Shanhte gaw kaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai hpe ngu ai rai nga ai,” ngu mu ai.

MARKU 4:20

Rai ti mung kaga masha ni chyawm gaw ga kaja hta hkai dat ai nli tum ni hte bung nga ma ai. Dai mungga hpe na la ai hte hkap la nna asi si ma ai rai nna nkau mi dang sumshi, nkau mi dang kru shi, nkau mi latsa mayat wa ma ai,” ngu nna shanhte hpe tsun mu ai.

MARKU 4:23

Dai rai yang madat mu, na la na, na tu ai wa kadai mung, na la mu ga,” ngu nna shanhte hpe tsun mu ai.

MARKU 4:8

Rai ti mung, nli tum nkau mi gaw, ga kaja hta hkrat nna, tu pru wa nhtawm kaba wa ai hte nkau mi htam sumshi, kaga ni kru shi, bai kaga ni latsa rai nna asi si mayat wa ai.”

MARKU 7:16

(Na tu ai wa gaw na la u ga, ngu nna tsun mu ai.)

LUKA 14:35

Dai gaw lamu ga a matu mung, namhpun di na matu mung, akyu n rawng mat sai rai nna shinggan de kabai kau ga ma ai. Na la na, na tu ai wa gaw, na la u ga!”

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

LUKA 8:7

Nkau mi gaw ju hpun ka-ang e hkrat nna, ju hpun ni hte rau tu kaba wa ai hte, dai hpe lim kau mu ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

SHINGRAN 13:9

“Na tu ai wa gaw na la u ga!

SHINGRAN 2:11

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.

SHINGRAN 3:13

“Wenyi gaw hpung ni hpe kaning nga tsun ai gaw, na tu ai wa gaw na la u ga!

SHINGRAN 3:6

“Wenyi gaw hpung ni hpe kaning nga tsun ai gaw, na tu ai wa gaw na la u ga!