LUKA 8:52 - Jinghpaw Common Language Bible 2009

⁵² Yawng mayawng gaw, dai ma a majaw, hkrap ngu hkrap ngoi nga nna sharung shayawt nga ma ai. Yesu gaw, “Hkum hkrap myit, shi si ai n rai, yup pyaw nga ai,” ngu mu ai.

Jinghpaw Hanson Version Bible

⁵² Nlang hte gaw dai ma a majaw hkrap ngu hkrap ngoi nga nna sharung shayawt nga ma ai. Shi chyawm gaw, “Hkum hkrap myit, shi si ai n rai, yup pyaw nga ai,” ngu mu ai.

LUKA 8:52 ပူးပေါင်းရင်းမြစ်များ

NINGPAWT NINGHPANG 23:2

Sara gaw Hkanan mung na Hebron mare hta si mat ai. Shi si mat ai majaw Abraham sharung shayawt ai hte hkrap ngu hkrap ngoi nga wu ai.

2 SAMUELA 18:33

Hkawhkam wa gaw yawn hkyen ai hkrum nna mare chyinghka ntsa na gawk de lung wa nhtawm wa hkrap nga ai. Shing rai shi lung wa yang, “O ngai sha e! Nye a kasha Absalom e! Absalom ngai sha e! Nang si na malai ngai mahtang si mat n-ga law; ngai sha Absalom, ngai sha e!,” ngu nna jahtau hkrap wu ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 11:17

‘Anhte nanhte a matu hkungran poi hte seng ai sumpyi dum timung, nanhte n ka myit dai! Makoi mayang ai poi hte seng ai yawn hkyen mahkawn ni mahkawn ti mung nanhte n hkrap myit dai!,’ nga nna gat hkan e dung nga let hpung mi gaw hpung mi hpe marawn gintan hkat nga ai ma ni hte bung nga ma ai.

LUKA 23:27

Masha wunawng kaba shi a hpang e hkan nang ma ai, dai ni hta, shi a majaw hkrap ngu hkrap ngoi sharung shayawt nga ai numsha ni nkau mi mung lawm nga ma ai.

LUKA 23:48

Dai lam yu na nga nna sa hpawng nga ai shawa masha ni mung, shing rai byin ai lam hpe mu mu yang, tinang a sinda ni hpe adup nna yawn hkyen let bai wa ma ai.

LUKA 8:51

Madu Yesu dai tara jawng agyi a nta de du yang, Petru, Yawhan, Yaku hte dai numsha ma a kanu yan kawa hta kaga, shi hte rau nhku de kadai hpe mung n shang shangun wu ai.

LUKA 8:53

Ma gaw si mat sai hpe shanhte chye ma ai majaw, shi hpe asawng asang ngu nna mani kau mu ai.

YAWHAN 11:4

Yesu gaw dai ga na jang “Dai machyi ai gaw si machyi n rai, Karai Kasang a hpung shingkang dan hkung shangun na matu hte de a majaw Karai Kasang a Kasha gaw hpung shingkang dan hkung wa na ra ai,” ngu nna tsun wu ai.