LUKA 8:5 - Jinghpaw Common Language Bible 2009

⁵ “Kalang mi na nli gat na matu pru sa wa ai masha langai mi nga ai. Shi gaw yi hta nli hpe gat dat wu yang, nkau mi lam makau e hkrat nna, masha e kabye kau ai hte, ntsa malen na u ni hta sha kau ma ai.

Jinghpaw Hanson Version Bible

⁵ Nli gat ai wa gaw shi a nli gat na pru sa wa ai; gat dat wu yang, nkau mi gaw lam makau e hkrat nna, masha e kabye kau ai hte, ntsa malen na u ni hta sha kau ma ai.

LUKA 8:5 ပူးပေါင်းရင်းမြစ်များ

NINGPAWT NINGHPANG 15:11

Langda ni dai mang ntsa de pyen hkrat wa ma ti mung, Abram dai ni hpe gawn kau wu ai.

SHAKAWN KUNGDAWN 119:118

Nang gaw na a hkang da ai tara ni hpe hkan sa na matu lale ai ni hpe ningdang kau nga ndai; shanhte a masu magaw ai maw mawn lam ni gaw kaman lila rai nga ai.

MAHTE 13:37

Yesu gaw, “Nli kaja gat ai wa gaw, dai Masha Kasha rai nga ai.

MAHTE 5:13

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

LUKA 8:4

Mare shagu na masha ni du sa wa nna shawa hpawng kaba byin wa ai shaloi Yesu ndai ga shadawn hte tsun wu ai gaw;

LUKA 8:6

Nkau mi gaw nlung hkrai re ai ga ntsa e hkrat nna, tu pru wa yang, ga n madi nga ai majaw nyip si mat ma ai.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.