LUKA 8:48 - Jinghpaw Common Language Bible 2009

⁴⁸ Yesu gaw, “Shayi sha e, na a kam sham ai gaw nang hpe shamai ya nit dai, ngwi pyaw ai hte wa u,” ngu nna shi hpe tsun dat wu ai.

Jinghpaw Hanson Version Bible

⁴⁸ Shi mahtang, “Shayi sha e, na a kamsham ai gaw nang hpe shamai ya nit dai; ngwipyaw ai hte wa u,” ngu nna shi hpe tsun dat wu ai.

LUKA 8:48 ပူးပေါင်းရင်းမြစ်များ

2 HKAWHKAM 5:19

Elisha gaw, “Ngwi pyaw sim sa ai hte wa sanu,” ngu nna tsun wu ai. Shaloi Naman pru mat wa wu ai. Ya shi lam daw mi kaw sha naw du yang,

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

MAHTE 12:20

Shi gaw kadang taw nga sai mai-aw hpe shadaw na ra ai n rai; Kachyi mi sha tu gala nga ai wan kawk hpe gawut sat kau na ra ai n rai. Shi gaw teng man rap ra ai hte awng padang hkam la lu ai aten du hkra, shakut shaja na ra ai.

MAHTE 8:13

Dai hpang Yesu gaw, dai hpyen du wa hpe, “Nta de wa su, nang kam sham ai hte maren, nang hta byin u ga,” ngu dat wu ai. Dai ahkying hta nan dai shangun ma gaw mai mat lu ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:22

Yesu mahtang kayin yu nna shi hpe mu wu yang, “Shayi sha e, ngwi pyaw nga n ga, na a kam sham ai gaw nang hpe shamai ya nit dai,” ngu wu ai. Dai ahkying kaw nna nan dai numsha mai mat nga ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 17:19

Dai hpang, dai wa hpe, “Rawt hkawm wa nu, na a kam sham ai gaw nang hpe kaja shangun nit dai,” ngu nna shi hpe tsun dat wu ai.

LUKA 18:42

Yesu gaw, “Mu sanu! Na a kam sham ai gaw nang hpe shamai ya nit dai,” ngu nna shi hpe tsun wu ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

LUKA 8:47

Dai numsha gaw makoi magap n rai lu sai hpe chye wu jang, gari kawa rai sa nna, shi a lagaw nhpang e dingnyawm dagup let, hpa rai shi ahtawk ai lam, dai shaloi jang shi mai tsai mat ai lam masha mahkra a man e tsun dan wu ai.

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

HEBRE 4:2

Hpa majaw nga yang, anhte gaw moi shawng de na masha ni hte maren, dai Kabu Gara Shiga hpe na yu saga ai. Rai ti mung shanhte na lu ai Kabu Gara Shiga gaw, shanhte a matu akyu n nga malu ai, hpa majaw nga yang, shanhte na la ai shaloi shanhte dai hpe makam masham hte n hkap la ma ai.

1 SAMUELA 1:17

Eli gaw, “Ngwi pyaw sim sa ai myit hte wa sanu; ya nang shi kaw hpyi nit dai hte maren, Israela a Karai Kasang gaw nang hpe jaw nit ga law,” ngu nna tsun wu ai.