LUKA 8:47 - Jinghpaw Common Language Bible 2009

⁴⁷ Dai numsha gaw makoi magap n rai lu sai hpe chye wu jang, gari kawa rai sa nna, shi a lagaw nhpang e dingnyawm dagup let, hpa rai shi ahtawk ai lam, dai shaloi jang shi mai tsai mat ai lam masha mahkra a man e tsun dan wu ai.

Jinghpaw Hanson Version Bible

⁴⁷ Dai numsha gaw makoi magap n rai lu ai chye wu jang, gari kawa rai sa nna, shi a man e dingnyawm dagup let, hpa rai shi hpe ahtawk ai mung, dai shaloi jang shi mai mat ai mung, masha mahkra a man e tsun dan wu ai.

LUKA 8:47 ပူးပေါင်းရင်းမြစ်များ

SHAKAWN KUNGDAWN 2:11

Dai Madu hpe hkrit hkungga ai hte daw jau mu;

SHAKAWN KUNGDAWN 38:9

O Madu e, ngai hpa hpe ra marit nga ai gaw nang chye nga ndai; nye a madai ai nsen ni yawng hpe mung nang na ya nga ndai.

SHAKAWN KUNGDAWN 66:16

Karai Kasang hpe hkrit hkungga ai ni yawng hte e, sa madat la mu, shi nye a matu galaw dan sai amu ni nang hpe tsun dan na nngai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 5:3

Israela gaw hpa hte bung nga ai hpe ngai chye nngai. Shi gaw nye a man kaw na makoi yen lu na n rai. Shi gaw sadi n dung mat nu ai, shi a amyu masha ni ngai hpe nawku na n htuk nga ai.”

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

MAHTE 28:8

Shaloi shan gaw dai lup de na alawan wa nhtawm, hkrit kahpra ai rai ti mung kabu gara ai myit hpring let shi a sape ni hpe tsun shana ya na matu gat wa ma ai.

MARKU 5:33

Dai numsha chyawm gaw, shi hta gara hku hkam sha lu sai lam dum chye ai majaw, hkrit gari let sit sa nna, shi man e dingnyawm nhtawm teng ai lam yawng mayawng Yesu hpe tsun dan wu ai.

LUKA 8:46

Rai ti mung Yesu gaw, Marai langai ngai ngai hpe ahtawk sai, hpa majaw nga yang, ngai kaw na atsam pru wa sai hpe ngai chye nngai, nga ai.

LUKA 8:48

Yesu gaw, “Shayi sha e, na a kam sham ai gaw nang hpe shamai ya nit dai, ngwi pyaw ai hte wa u,” ngu nna shi hpe tsun dat wu ai.

KASA 16:29

Shaloi htawng agyi wa pyengdin hpyi lang nna kata de gat bang wa nhtawm hkrit gari let Pawlu yan Sila a lagaw nhpang e dingnyawm nga ai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

2 KORINHTU 7:15

Shi a sharin shaga ai lam ni hpe nanhte madat mara na matu jin nga myit dai hpe mung, hkrit gari ai hte shi hpe nanhte hkap tau hkalum la myit dai hpe mung, shi myit dum nga ma ai majaw, nanhte hpe tsaw ra ai shi a shawang myit gaw grau nna galu kaba n-gun ja wa nga lu ai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

1 SAMUELA 16:4

Samuela mung dai Madu shi hpe tsun ai hte maren galaw nhtawm Betlehem mare de sa mat wa wu ai; dai yang e mare ningbaw ni gaw hkrit kajawng ai hte shi hpe sa hkrum let, “Myi san wa e, ndai gaw ngwi pyaw sim sa ai hte seng ai hkawm chyai lam rai nga a ni?,” ngu nna hkap san ma ai.