LUKA 8:44 - Jinghpaw Common Language Bible 2009

⁴⁴ Shi gaw Yesu a shingdu maga hku shawa masha ni hte sanyen nna, Madu hpang de sit sa nhtawm, shi a palawng banbyau hpe ahtawk wu ai, shaloi jang shi a sai htaw ai ana gaw sim mat lu ai.

Jinghpaw Hanson Version Bible

⁴⁴ shi hpang de sit sa nna, shi a palawng banbyau ahtawk wu ai: shaloi jang shi a sai htaw ai ana gaw sim mat lu ai.

LUKA 8:44 ပူးပေါင်းရင်းမြစ်များ

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 20:34

Shaloi Yesu shan hpe matsan dum nna shan a myi hpe ahtawk ya mu ai; shaloi jang shan myi mu wa nna shi kaw hkan nang ma ai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

MAHTE 9:20

Ya shi lahkawng ning sai htaw machyi ai numsha langai mi mung Yesu a shingdu maga hku sit sa wa nna palawng ban byau matu hpe ahtawk wu ai.

MARKU 6:56

Dai hta kaga, Yesu sa du hkawm ai shara shagu, mare, kahtawng ningchyawng hkan na masha ni gaw machyi ai masha ni hpe gat shara ni de woi sa nna shi a hpun palawng ban byau matu sha pyi shanhte hpe ahtawk la shangun na matu ahkang hpyi nem ya mu ai: Shi hpe ahtawk lu ai ni yawng nan, mai tsai mat wa ma ai.

LUKA 13:13

Shi a ntsa e lata mara ya wu ai; shaloi jang shi amalang jan rai lu nna, Karai Kasang a chyeju hpe shakawn kungdawn nga ai.

LUKA 7:38

Shingdu maga, Yesu a lagaw nhpang e hkrap tsap nga let, Madu a lagaw hpe myi prwi hte madit ya wu ai, dai hpang shi a kara hte katsut kau ya wu ai, shi a lagaw hpe mung pup nhtawm, manam pyaw ai mura hte chya ya wu ai.

LUKA 8:43

Dai shawa hpawng hta shi lahkawng ning tup sai htaw machyi nna, shi hta lu lawm ai ja gumhpraw yawng htum hkra tsi sara ni hte tsi sai rai ti mung, gade e mung n shamai ya lu ai numsha langai mi lawm nga ai.

LUKA 8:45

Shaloi Yesu gaw, “Ngai hpe ahtawk ai kadai rai ta?,” nga nna san ai. Nlang hte ndang nga ma yang, Petru gaw, “Madu e, grup yin chyat nga ai shawa masha ni nang hpe htu kanawng matep nga ma ai majaw rai nga ai,” ngu wu ai.

YAWHAN 5:13

Rai ti mung machyi mai ai wa gaw, Yesu hpe kadai re ai n chye kau dat wu ai, hpa majaw nga yang, dai yang e masha hpawng nga ai majaw Yesu gaw mayun pru mat wa sai.

KASA 19:12

Masha ni gaw, Pawlu lang ai hpajet hte lawng sap zawn re ai ni hpe pyi machyi ai ni hpang de la wa jang, shanhte a ana ahkya ni hpe shamai ya mu ai hte, shung ai n hkru ai nat ni mung pru mat wa ma ai.

KASA 5:15

Kasa ni galaw dan nga ai magam bungli ni a majaw, Petru lai sa wa yang nkau mi a ntsa e shi a shingnip sha pyi hkra u ga, nga nna machyi makaw hkrum ai ni hpe mare lam makau de hpai shapraw nhtawm yup ku ni hte panep ni hta tawn da shajang ma ai.

TARA JAHPRANG 22:12

“Na a hpun nba jut mali kaw shingman banbyau chywi shakap da na rai ndai.