LUKA 8:43 - Jinghpaw Common Language Bible 2009

⁴³ Dai shawa hpawng hta shi lahkawng ning tup sai htaw machyi nna, shi hta lu lawm ai ja gumhpraw yawng htum hkra tsi sara ni hte tsi sai rai ti mung, gade e mung n shamai ya lu ai numsha langai mi lawm nga ai.

Jinghpaw Hanson Version Bible

⁴³ Dai shaloi, shi lahkawng ning tup sai htaw machyi nna, gade e muk n shamai ya lu ai numsha langai mi gaw,

LUKA 8:43 ပူးပေါင်းရင်းမြစ်များ

2 HKAWHKAM LABAU 16:12

Asa Hkawhkam tai ai sumshi jahku ning hta laja lana re ai lagaw ana kap mat ai rai nna lagaw hten htu mat wu ai; rai ti mung karum la na matu dai Madu kaw n kayin wa ai sha tsi sarawun ni kaw mahtang kayin mat wa wu ai.

YOBA 13:4

Nanhte gaw masu ga ni hte nanhte a angawk angak lam hpe htinggrum da nga myit dai; nanhte gaw kadai hpe mung n chye tsi shamai ya lu ai sara wun ni zawn rai nga myit dai.

SHAKAWN KUNGDAWN 108:12

Gumlau hpyen wa hpe hkap daw na matu, anhte hpe karum la mi; masha a karum la ai lam gaw kaman sha rai nga ai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

MARKU 12:44

Hpa majaw nga yang, kaga ni gaw tinang a n taw n tsang lu ai hta na jan ai hpe bang da ma ai; shi chyawm gaw shi a matsan mayan re ai hta na lu malu mahkra hpe, rai sa, shi a nsa bau na arai yawng mayawng hpe bang kau nu ai,” ngu mu ai.

MARKU 9:18

Galoi mi rai rai, dai nat shung ai hte rau ga de kadawng gum pye kau wu ai rai nna, shi hkumbawp lawu ai hte wa udik urin nna shi a hkum ting ja mat lu ai. Dai nat hpe shaden kau ya na matu na a sape ni hpe ngai hpyi mawe ai, rai ti mung shanhte n di lu ma ai,” ngu wu ai.

LUKA 13:11

Dai shara kaw, shi matsat ning tup nat kap nna machyi ai numsha langai mi nga ai. Shi gaw, marung htingkung mat nna shi a hkum hpe loi mi pyi n lu malan nu ai.

LUKA 13:16

Ya ndai Abraham a amyu matu shayi sha hpe mung, shi matsat ning tup, Satan e gyit hkang da ai sumri hta na, Bansa Nhtoi e mai raw dat ai n rai ni?,” ngu nna htan wu ai.

LUKA 8:27

Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

LUKA 8:42

Hpa majaw nga yang asak shi lahkawng ning du sai shi a shayi sha shingtai machyi nna si wa magang nga lu ai. Yesu hkan sa wa nga yang, shawa masha ni shi hpang de shadut bang wa ma ai.

LUKA 8:44

Shi gaw Yesu a shingdu maga hku shawa masha ni hte sanyen nna, Madu hpang de sit sa nhtawm, shi a palawng banbyau hpe ahtawk wu ai, shaloi jang shi a sai htaw ai ana gaw sim mat lu ai.

YAWHAN 9:1

Ya, Yesu lai sa wa nga yang, hkritung nna myi kyaw ai masha langai mi hpe mu wu ai.

YAWHAN 9:21

Rai ti mung, ya kaning rai mu lu ai mung, gade e shi a myi kyaw nga ai hpe shamai ya ai mung n chye ga ai. Shi hpe san yu mu, shi asak mung kaba sai rai nna, shi a lam shi hkrai tsun dan lu ai,” ngu nna htan mu ai.

KASA 3:2

Nawku Htingnu wang de shang wa ai Tsawm Pra ngu ai Chyinghka lam hta hkritung nna lagaw hten ai masha langai mi hpe Nawku Htingnu de shang wa ai ni kaw gumhpraw hpyi u ga nga nna shani shagu masha ni e hpai sa tawn da da rai mu ai.

KASA 4:22

Dai lamik kum la hte shamai hkrum ai masha wa gaw, asak mali shi ning jan sai rai nga ai.