LUKA 8:42 - Jinghpaw Common Language Bible 2009

⁴² Hpa majaw nga yang asak shi lahkawng ning du sai shi a shayi sha shingtai machyi nna si wa magang nga lu ai. Yesu hkan sa wa nga yang, shawa masha ni shi hpang de shadut bang wa ma ai.

Jinghpaw Hanson Version Bible

⁴² kaning rai nme law, shi lahkawng ning du sai shi a shayi sha shingtai gaw si wa magang nga lu ai: Yesu hkan sa wa nga yang, shawa masha ni gaw shi hpe ahtu hkra shajang ma ai.

LUKA 8:42 ပူးပေါင်းရင်းမြစ်များ

YOBA 4:20

Masha gaw jahpawt e naw hkrung nga ga ai, rai ti mung shana de garai n du yang, hpa n tsun ai sha si mat mai nga ga ai.

HPAJI NINGLI 6:12

Masha a asak gaw shingnip zawn lai mat wa ai rai nna, akyu n rawng nga ai majaw ndai zawn kadun la ai aten hta anhte a matu mai kaja htum ai gaw hpa baw rai nga ai hpe kadai wa kaning rai chye lu na rai ta? Anhte si mat ai hpang mungkan ga hta hpa byin wa na hpe kadai wa kaning rai chye lu na rai ta?

EZEKELA 24:16

Shi gaw, “Si chye ai masha wa e, nang tsaw ra htum ai wa hpe ngai kalang dat woi la na nngai. Shi gaw akajawng sha si mat na ra ai. Nang gaw aput angun ai mung, hkrap shabam ai mung, myi prwi hkrat ai mung galaw lu na n rai.

EZEKELA 24:25

Dai Madu gaw, “Yu u, si chye ai masha wa e, ngai gaw shanhte yu sharawng nna sa chyai nga ai dai shanhte a gumrawng gumtawng shara hte kabu gara shara ngu ai Nawku Htingnu hpe shanhte a man kaw na la kau na we ai. Shanhte a shayi shadang sha ni hpe mung la kau na we ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MARKU 5:24

Shaloi Yesu gaw Yairu hte rau hkan nang sa wa ai. Masha wunawng kaba mung shi kaw hkan gumbawm nang nna shi hpe kanawng matep hkra mu ai.

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

LUKA 8:41

Shaloi, Yairu mying ai tara jawng up ai agyi wa langai mi sa du ai. Dai wa gaw, Yesu a lagaw nhpang e hput di nna, shi a nta de sa na matu shi hpe hpyi nem wu ai.

LUKA 8:43

Dai shawa hpawng hta shi lahkawng ning tup sai htaw machyi nna, shi hta lu lawm ai ja gumhpraw yawng htum hkra tsi sara ni hte tsi sai rai ti mung, gade e mung n shamai ya lu ai numsha langai mi lawm nga ai.

LUKA 8:45

Shaloi Yesu gaw, “Ngai hpe ahtawk ai kadai rai ta?,” nga nna san ai. Nlang hte ndang nga ma yang, Petru gaw, “Madu e, grup yin chyat nga ai shawa masha ni nang hpe htu kanawng matep nga ma ai majaw rai nga ai,” ngu wu ai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.