LUKA 8:41 - Jinghpaw Common Language Bible 2009

⁴¹ Shaloi, Yairu mying ai tara jawng up ai agyi wa langai mi sa du ai. Dai wa gaw, Yesu a lagaw nhpang e hput di nna, shi a nta de sa na matu shi hpe hpyi nem wu ai.

Jinghpaw Hanson Version Bible

⁴¹ Shaloi, yu mu, Ya-iru mying ai tara jawng agyi wa langai mi sa du ai: dai wa gaw Yesu a lagaw nhpang e hput di nna, shi a nta de sa na, shi hpe hpyi shaja nga ai:

LUKA 8:41 ပူးပေါင်းရင်းမြစ်များ

LUKA 13:14

Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, “Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,” ngu nna tsun mu ai.

LUKA 17:16

Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 8:42

Hpa majaw nga yang asak shi lahkawng ning du sai shi a shayi sha shingtai machyi nna si wa magang nga lu ai. Yesu hkan sa wa nga yang, shawa masha ni shi hpang de shadut bang wa ma ai.

LUKA 8:49

Yesu ga naw tsun nga yang, tara jawng agyi a nta de na masha marai langai mi sa nna, “Na a shayi sha si mat salit dai, dai sara hpe hkum shatsang nu,” nga nna sa tsun ai.

YAWHAN 11:21

Shaloi Marhta gaw, “Madu e, nang nga ndai rai taw gaw, ngai yung wa n si na re!

KASA 13:15

Mawshe a Tara laika hte myihtoi ni a laika ni hpe hti ngut jang tara jawng agyi ni gaw shanhte hpang de masha shangun dat nna, “Hpu nau ni e, shawa hpawng hpe shadum jahprang n-gun jaw na mungga lu myit yang gaw, nanhte hpe ga shaga shangun mayu ga ai,” ngu wu ai.

KASA 18:17

Shaloi shanhte nlang tara jawng agyi wa Sosteni hpe rim la nna tara tingnyang a man e anu kayat kau mu ai. Galio chyawm gaw, dai lam hpe hpa mung n nawn ya mu ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.