LUKA 8:39 - Jinghpaw Common Language Bible 2009

³⁹ Rai ti mung Yesu gaw, “Na nta de she wa nna, Karai Kasang nang hpe hpa galaw sai lam wa tsun dan su,” ngu nna shabawn dat wu ai. Shaloi shi pru wa nna, Yesu shi hpe gade wa karum sai lam dai mare hkan tsun hkawm nga ai.

Jinghpaw Hanson Version Bible

³⁹ Na nta de she wa nna, “Karai Kasang nang hpe gade wa karum nit dai gaw, wa tsun dan su,” ngu nna shi hpe shabawn dat wu ai: shaloi shi pru wa nna, Yesu shi hpe gade wa karum sai gaw, dai mare ting hkan e hkaw tsun dan nga ai.

LUKA 8:39 ပူးပေါင်းရင်းမြစ်များ

SHAKAWN KUNGDAWN 66:16

Karai Kasang hpe hkrit hkungga ai ni yawng hte e, sa madat la mu, shi nye a matu galaw dan sai amu ni nang hpe tsun dan na nngai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 5:18

Yesu dai li hta shang wa nga yang, nat kap lai wa sai wa gaw, “Ngai hpe nang kaw hkan nang shangun rit!,” ngu nna Yesu hpe hpyi nem wu ai.

MARKU 5:19

Rai ti mung Yesu gaw shi hpe ahkang n jaw ai sha, dai wa hpe, “Na a nta de wa nna dai Madu nang hpe gade wa matsan dum nna karum sai lam na nta masha ni hte manaw manang ni hpe wa tsun dan su,” ngu nna tsun dat wu ai.

LUKA 8:38

Nat ni pru kau da ai masha wa gaw, Yesu hpe, “Ngai nang kaw hkan nang na nngai,” ngu nna hpyi nem wu ai.

LUKA 8:40

Yesu gaw, nawng wora hkran de bai du wa yang, shi hpe grai la nga mala ai rai nna shanhte hpe hkap hkalum bawp la ma ai.

YAWHAN 4:29

“Ngai galaw lai wa sai lam yawng, ngai hpe bai tsun dan ai wa hpe sa yu maru, dai wa gaw Hkristu mi rai na kun?,” ngu nna wa tsun mu ai.

TARA JAHPRANG 10:21

Shi gaw nanhte a Karai Kasang rai nga ai rai nna nanhte a matu shi galaw dan nu ai dai galu kaba ai mauhpa amu ni hpe nanhte nan myi hte chyaw mu manit dai majaw shi hpe shakawn mu.

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.