LUKA 8:38 - Jinghpaw Common Language Bible 2009

³⁸ Nat ni pru kau da ai masha wa gaw, Yesu hpe, “Ngai nang kaw hkan nang na nngai,” ngu nna hpyi nem wu ai.

Jinghpaw Hanson Version Bible

³⁸ Nat pru mat ai wa gaw, shi hte rau nga nga na, shi hpe hpyi nem wu ai: rai timung, shi gaw,

LUKA 8:38 ပူးပေါင်းရင်းမြစ်များ

SHAKAWN KUNGDAWN 116:12

Dai Madu ngai hpe jaw ya ai chyeju nlang hte hpe, hpa baw hte wa daw jau lu na rai nga a ta?

SHAKAWN KUNGDAWN 116:16

Madu e, ngai gaw na a shangun ma wa rai nga nngai; nye nu galaw daw ai zawn ngai nang hpe daw jau nga na nngai. Nang ngai hpe si ai kaw na hkye hkrang la nit dai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

LUKA 8:37

Shaloi, buga ginwang hkan na masha ni yawng gaw, hkrit kaba hte hkrit ma ai majaw shanhte kaw na pru mat wa na matu Yesu hpe jawm hpyi nem ma ai. Dai rai nna Yesu gaw li de shang nhtawm, dai shara na pru mat wa ai.

LUKA 8:39

Rai ti mung Yesu gaw, “Na nta de she wa nna, Karai Kasang nang hpe hpa galaw sai lam wa tsun dan su,” ngu nna shabawn dat wu ai. Shaloi shi pru wa nna, Yesu shi hpe gade wa karum sai lam dai mare hkan tsun hkawm nga ai.

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.