LUKA 8:35 - Jinghpaw Common Language Bible 2009

³⁵ Masha ni mung dai byin ai lam hpe yu na pru sa wa ma ai. Shanhte Yesu kaw du ma yang, nat ni pru mat wa kau da ai wa gaw, hpun palawng bu hpun nna, shawoi na myit kaja hte Yesu a lagaw nhpang e dung nga la ai hpe mu ma ai shaloi hkrit kahpra mat ma ai.

Jinghpaw Hanson Version Bible

³⁵ Shanhte mung dai byin ai lam yu yu na pru sa wa ma ai: shanhte Yesu kaw du ma yang, nat ni pru mat wa ai wa gaw hpun palawng bu hpun nna, shawoi na myit hte Yesu a lagaw nhpang e dung nga ai hpe, mu ma ai rai nna hkrit kahpra mat ma ai.

LUKA 8:35 ပူးပေါင်းရင်းမြစ်များ

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 5:15

Shanhte Yesu kaw du ma yang, shawoi nat law law lawm ai legion nat kap ai masha wa gaw, hpun palawng atsawm sha bu hpun nna, shawoi na myit kaja hte dung nga la ai hpe shanhte mu mu ai rai nna, shanhte yawng hkrit kahpra mat ma ai.

LUKA 10:39

Dai numsha gaw, Mari ngu ai kanau langai mi lu ai, shi gaw dai Madu a lagaw nhpang e dung nga let, Madu a sharin shaga ai ga madat la nga ai.

LUKA 15:17

Hpang jahtum shi a kraw hta dum hprang wa nna, ‘Nye wa a nta e shabrai sha nna bungli galaw ai masha ni gade wa n taw n tsang shat sha lu nga ma hka! Ngai wa gaw ndai yang e, kawsi kyet ai hte hten bya magang wa nga nngai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

LUKA 8:27

Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

LUKA 8:34

Wa rem ai ni shing rai byin ai hpe mu jang, hprawng gat wa nna mare hte kahtawng ningchyawng hkan dai shiga hpe tsun shabra dat ma ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.